ဆရာတော်ဦးဥတ္တမ, ဆရာတော် ဦးဝိစာရ, ဆရာတော် ဦးဝီရသူ, ဆရာတော် ဦးထာဝရ နဲ့တကွ အားလုံးသော သံဃာ့ အာဇာနည် များကို ဦးညွတ် ဂါရဝ ပြုပါသည်။

 U Htavara: Real Leader of 2007 Saffron Revolution

ဆရာတော်ဦးဥတ္တမ, ဆရာတော် ဦးဝိစာရ, ဆရာတော် ဦးဝီရသူ, ဆရာတော် ဦးထာဝရ နဲ့တကွ အားလုံးသော သံဃာ့ အာဇာနည် များကို ဦးညွတ် ဂါရဝ ပြုပါသည်။

ဦးတင်ပူဇော် ၆နှစ်ပြည့်ရွှေဝါရောင်တော် ၂၀၀၇ စက်တင်ဘာ နှစ်ဆယ့်ခြောက် သံဃာတော်သွေး မြေခရောက် ကျေးဇူးကြီးပေ သံဃာတော် တွေ ပြည်သူ့ရှေက အမြဲနေ ကိုယ်ကျိုးမဖက် အမျိုး ဘာသာ သာသနာ အတွက် သံဃာတော်တွေ အမြဲရပ် မြန်မာ ပြည်ကြီး ကောင်းစားအောင် ဒို့သံဃာ တွေ အမြဲ ဦးဆောင် လူထု သံဃာ ညီညာစွာ လက်တွဲထား ဒို့အောင်ပွဲကိုအရောက်သွား။

၆နှစ်ပြည့် ရွှေဝါရောင်တော်လှန်ရေးသို့ “ပတ္တနိက္ကုဇ္ဇနကံ” ဆိုသည်မှာ
အမှန်စင်စစ် ထို “ပတ္တနိက္ကုဇ္ဇနကံ” ဆိုသည်မှာ မြတ်စွာဘုရားရှင်၏ ခွင့်ပြုချက်အရ သာသနာတော်ထမ်း ရှင်ရဟန်းတို့အား စော်ကားပြုမူလာခြင်းကို နောင်မပြုရဲအောင် ကံဆောင်တားမြစ် ဆုံးမခြင်းပင်ြ…ဖစ်သည်။ အကြင်သူသည် …
• ရဟန်းတို့အား လာဘ်မရစိမ့်သောငှာ အားထုတ်၏။ • ရဟန်တို့အား အကျိုးမဲ့စိမ့်သောငှာ အားထုတ်၏။ • ရဟန်းတို့အား နေရာမရစိမ့်သောငှာ အားထုတ်၏။ • ရဟန်းတို့ကို ဆဲရေး၏၊ ခြိမ်းခြောက်၏။ • ရဟန်းအချင်းချင်း ကွဲပြားစေ၏။ • မြတ်စွာဘုရား ကျေးဇူးမဲ့ကို ပြော၏။ • တရားတော်၏ ကျေးဇူးမဲ့ကို ပြော၏။ • သံဃာ၏ ကျေးဇူးမဲ့ကို ပြော၏။
ရဟန်းတို့ ထိုအင်္ဂါ ရှစ်ပါးနှင့်ညိစွန်းသော ဥပါသကာအား သပိတ်မှောက်ရမည်ဟု စူဠ၀ါပါဠိတော် မြန်မာပြန် စာ-၂၆၅ ခုဒ္ဒက၀တ္ထုကမ္မ အခန်းကဏ္ဍတွင် သပိတ်မှောက်အင်္ဂါရှစ်ပါးကို ပြဆိုထားသည်။
“ပတ္တနိက္ကုဇ္ဇနကံ”ကို သာသနာတော်အတွင်း ရှိရှိသမျှသော သံဃာတော်များ၏ ဆန္ဒရယူပြီးမှ သိမ်အတွင်းတွင် ကမ္မ၀ါစာဖြင့် ပြဌာန်းရသည်ဖြစ်၍ ရဟန်းတော်တပါးတလေ၏ ပြဌာန်းချက်မဟုတ်။ သံဃာတော်အားလုံး၏ အမိန့် အာဏာဖြစ်သည်။ ထို့ကြောင့် ကံပြုစဉ်က မိမိဆန္ဒပါသည်ဖြစ်စေ မပါသည်ဖြစ်စေ၊ သာသနာတော်ထမ်း ရဟန်းတော်တိုင်းက လေးစားလိုက် နာကြရသည်။ ထိုကံဆောင်ခြင်းမှ သွေဖည်၍ ကံပြုခံရသူများနှင့် ဘာသာရေးကိစ္စများ လက်ခံ ဆောင်ရွက်ပေးပါက ထိုပုဂ္ဂိုလ်မှာ မြတ်စွာဘုရားရှင်၏ ပညတ်ချက်ကို ကျူးကျော်ရာရောက်သဖြင့် အာပတ် သင့်ရောက်ပါသည်။
“ပတ္တနိက္ကုဇ္ဇနကံ”၏ ရည်ရွယ်ချက်မှာ ဘာသာရေးကို မသိနားမလည်၍ တကြိမ်တခါ ပြစ်မှားကျူးလွန်မိခြင်းကို အချိန်မီ သိရှိကာဝန်ချတောင်းပန်နိုင်စေရန်ဖြစ်ပါသည်။
ကာယကံရှင်များက မိမိတို့ပြုမှားမိသည်များကို သံဃာသို့ ၀န်ချတောင်းပန်မှသာလျှင် ကံဆောင်ထားခြင်းမှ ရုပ်သိမ်းပေးခွင့် ရှိပါသည်။ ပြန်လည်ရုပ်သိမ်းမည်ဆိုကလည်း၊ ကံဆောင်စဉ်က နည်းအတိုင်း၊ သံဃာအားလုံး၏ ဆန္ဒရယူပြီး သိမ်အတွင်း ၀ယ်ကမ္မ၀ါစာဖြင့်ပြန်လည်၍ကံလွှတ်ရုပ်သိမ်းပေးတော်မူကြရသည်။
မြန်မာနိုင်ငံတွင် သံဃာတော်များက နအဖအစိုးရနှင့်အပေါင်းပါ စစ်တပ်၊ ရဲ၊ ကြံ့ဖွံ့၊ စွမ်းအားရှင်တို့ အားလုံး အပေါ် “ပတ္တနိက္ကုဇ္ဇနကံ” ဆောင်ခဲ့သည်မှာ နှစ်ကြိမ်တိုင်ခဲ့ပါပြီ။ တကြိမ်မျှ မတောင်းပန်ခဲ့ဘူးပါ။ ထိုသို့ မတောင်းပန်ခြင်းသည် နအဖ စစ်အစိုးရနှင့် အပေါင်ပါများအဖို့ သံသရာခရီးတွင် နစ်သည်ထက် နစ်လာကြရဖို့ သာ ရှိပေသည်။ သံဃာတော်များအား အလှူအတန်းစသည် ပေးလှူခွင့်၊ ဥပုသ်သီတင်း ဆောက်တည်ခွင့်၊ သေလျှင် သရဏဂုံတင်ခွင့် ဆုံးရှုံးကြရပေတော့မည်။ လူ့ဘ၀ကိုရပါလျှက် အပေါင်းအသင်း မှားသဖြင့် လူဖြစ်ရှုံးကြရလေပြီ။
လတ်တလောအားဖြင့် သံဃာများက ထိုကံဆောင်ထားကြသည့်အတွက် မိမိတို့တွင် “သံဃံ သရဏံ ဂစ္ဆာမိ” ဟူသော သရဏဂုံ တပါး ကျိုးပေါက်သွားကြပြီ။ သရဏဂုံ မတည်သူများ ဖြစ်ကြရပြီ။ ထိုသူများအဖို့ မည်မျှ ငွေကြေးတတ်နိုင်၍ လှူလိုကြသည်ဖြစ်စေ၊ လှူလေသမျှ တန်းလေသမျှ ဘာကုသိုလ်မျှမရနိုင်တော့ပြီ။ စစ်တပ်၊ ရဲ ၊ ကြံ့ဖွံ့၊ စွမ်းအားရှင်တို့ အားလုံး သတိထားကြစရာပါ။ ကုသိုလ်လုပ်၍မရတော့လျှင် အသက်ရှင်နေသည့် ကာလတလျှောက် အကုသိုလ်သာ စုမိကြဖို့ဖြစ်လာသည်။
ယခုလတ်တလောမှာတော့ နအဖက ၄င်းတို့လုပ်နေကြလုပ်ထုံးအတိုင်း သံဃာတော်များကပဲ သူတို့ အလှူကို လက်ခံနေကြ သယောင်ယောင် ဆရာတော်တွေကို ၀ါဆိုသင်္ကန်းတွေကပ်၊ ကျောင်းတိုက်ကြီးများသို့ ဆွမ်းဆန် တော် အိတ်တွေ၊ ၀တ္ထု ပဒေသာပင်တွေ ဝေနေအောင်လှူပြ နေကြသည်။ စင်စစ် ထိုအလှူများအပေါ် သံဃာ တော် များက သာယာမှုဖြစ်တော် မမူကြ။ ထိုအလှူများကြောင့် လှူရသူတို့မှာ ကုသိုလ်မရသည့်ပြင် ရဟန်းတော် တို့အား အာပတ်သင့် ရောက်အောင် တွန်းပို့နေရာသာရောက်နေသည်။ ကုသိုလ်ပြုကာမှ ငရဲသာရနေသည်။
အဆိုးဆုံးကတော့ သံဃာ့ဝိနည်းကို နားမလည်ဘဲ သံဃာတော်များကို လူပုဂ္ဂိုလ်များကဲ့သို့ ဆက်ဆံနေကြခြင်း ဖြစ်သည်။ အရေးအခင်းမှာ ပါသည်ဆိုလျှင်ပင် သူတို့မှာ ဆုံးမကြဖို့ အခွင့်အလမ်းရထားသူများလို သံဃာတော် တွေကို ရိုက်လိုရိုက်၊ သတ်လိုသတ်သင်္ကန်းဆွဲချွတ်လိုချွတ်ပြုနေကြသည်။
သံဃာတော်ဖြစ်ပြီဆိုသည်နှင့် ကာယကံရှင်၏ ဆန္ဒမပါဘဲ၊ မည်သူတစုံ တဦးကမျှ သင်္ကန်းကို ဆွဲချွတ်၍မရပါ။ ထိုပုဂ္ဂိုလ် ကိုယ်တိုင်က ၀ိနည်းသိက္ခာပုဒ်တော်နှင့်မညီဘဲ ပါရာဇိက ကဲ့သို့သော လူဝတ်လဲပေးရမည့် သိက္ခာပုဒ် တော်ကို ကျူးလွန် ဖောက်ဖျက်မိသည့်တိုင် ထိုအပြစ်ကို ရဟန်းတော်ကိုယ်တိုင်က ၀န်ခံမှသာ လူဝတ်လဲပေးနိုင် သည်။
အကယ်၍ ဇွတ်အတင်းဆွဲချွတ်သဖြင့် ကိုယ်ပေါ်တွင် သင်္ကန်းမရှိတော့လင့်ကစား၊ ကာယကံရှင်က မိမိသည် ရဟန်းတပါး ဖြစ်ကြောင်း မှတ်ယူထားလေသမျှ သံဃာအဖြစ်မှာပဲ ရှိနေပေသည်။ ထိုပုဂ္ဂိုလ်ကို ရိုက်နှက် ညှဉ်းပန်း ခြင်းပြုပြုသမျှသည် သံဃာအပေါ်ကျူးလွန်မိခြင်းသာဖြစ်ပါသည်။
စဉ်းစားကြည့်ပါ။ သံဃာတော်ဆိုသည်မှာ မြတ်စွာဘုရားရှင်နှင့် တတန်းတည်းထား ကိုးကွယ် ဆည်းကပ်ကြရမည့် ရတနာ သုံးပါး ၀င် ဖြစ်တော်မူကြသည်။ ရတနာသုံးပါးကို ပြစ်မှား ကျူးလွန်ရဲနေကြသည်။
“သံဃာမရှိလဲဖြစ်ပါတယ်”ဆိုသည့်စကားမှာသရဏဂုံပျက်စေပါသည်။
ထိုအကုသိုလ်များကြောင့် ပြစ်မှားကြသူတို့မှာ သံဃာဂိုဏ်းသင့်ကြရပြီ။ သံဃာဂိုဏ်းသင့်သည် ဆိုသည်မှာ ယခု ဘ၀တွင် ဘာကုသိုလ်လုပ်လုပ် ကုသိုလ်မရ။ တရားထိုင်လျှင်လည်း မဂ်ဖိုလ်မရ နိုင်တော့သည့်“မဂ်တားဖိုလ်တား ကိစ္စကြီး” ဖြစ်ပါ သည်။ “မဂ်၏ အန္တရာယ်”ဖြစ်ကြရပြီ။ မည်သူမျှ ကယ်တင်၍မရနိုင်ဘဲ အပါယ်လေးဘုံ သို့ သာသွားရ မည့် တလမ်းသွားများဖြစ်ကြရပြီ။
ကုလားဖုမင်းသည် ခန္တီဝါဒီရှင် ရသေ့ကို ညှဉ်းပန်းခဲ့သဖြင့် မြေမျိုခံရဘူးကြောင်း နိပါတ်မှာလာပါ သည်။ ရသေ့ သည် ရဟန်းလောက်မမြင့်မြတ်သေးပါ။
မနုဿတ္တဘာဝေါ ဒုလ္လဘော။ လူ့ဘ၀သည်ရခဲလှပါ၏။ ထိုရခဲလှသောလူ့ဘ၀တွင်၊ မိမိနောင် ရေးအတွက် တတ် နိုင်သမျှ ကုသိုလ်စုဖို့သာ ဖြစ်သင့်ပါသည်။ မိမိသေလျှင် မိမိနောက်သို့ မိမိပြုခဲ့သည့် ကုသိုလ် အကုသိုလ်ကံများသာ ပါသွားကြပါ မည်။ မိမိအတွက်မဟုတ်ပါဘဲ သံဃာကိုသတ်ဖြတ်နေရသည့်အဖြစ်မျိုး ဘယ်သူ့ကြောင့် ရောက် နေရပါသနည်း။ ထိုပုဂ္ဂိုလ် မျိုးအတွက် မိမိမှာ တသံသရာလုံး အနစ်မွန်းခံရပေတော့မည်။ ထိုက်တန်ပါရဲ့လား။
ထိုကျူးလွန်နေသူများကို မေးလိုပါသည်။ သင်တို့လူ့ပြည်တွင် နှစ်ပေါင်းမည်မျှ ဆက်လက် အသက်ရှည်နေကြဦး မည်ဟု ထင်ပါသနည်း။ အာဏာတည်မြဲဖို့ဆိုတော့ကော။ ဘယ်နှနှစ်ခံပါ မည်နည်း။ အဲသည့် နှစ်ကလေး အတွင်းမှာ ဘယ်လောက် ချမ်းသာသွားမလဲ။အဲသည့်ဥစ္စာပစ္စည်းကကောမြဲပါ့မလား။
ဦးနေ၀င်းတုန်းက ၁၉၈၅ မှာ မဟာဝိဇယစေတီတော်ကို အသုံးချ၍ မလုပ်ကောင်း လုပ်ကောင်း ယတြာချေခဲ့ သည်။ သာသနာသန့်ရှင်းရေးဆိုပြီး တကယ့်သံဃာတော်များကို မိန်းမတွေနှင့်ရှုပ်သယောင်စွပ်စွဲပြီး သင်္ကန်း ဆွဲချွတ် လုပ်ခဲ့သည်။ ဘယ်နှနှစ်ခံခဲ့ပါသနည်း။ဦးနေ၀င်းသေတော့ဘယ်ပုံစံနှင့်သေခဲ့ရပါသနည်း။
ဦးနေ၀င်းတသက် စုဆောင်းခဲ့ရသမျှ ဥစ္စာဓနများကိုကော စံစားသွားရပါရဲ့လား။ ဦးနေ၀င်းကိုယ်တိုင် အခြေခံ ဥပဒေ ကြီးတွေအခိုင်အမာဖြင့် တည်ဆောက်ခဲ့သော တိုင်းပြည်ကြီး မရှုမလှ ပျက်စီးခဲ့ရသည်ကို သံဝေဂ ယူသင့် ပါသည်။ အဲသည်တုန်းက သံဃာကို ကိုယ်ထိလက်ရောက် ပြစ်မှားခဲ့ကြသူများ ဘာဖြစ်သွားကြပါသနည်း။
ဗိုလ်ခင်ညွန့်က ပထမအကြိမ် သံဃာကံဆောင်ပွဲကြီးကို ချေမှုန်းပြီး အထင်ကရ သံဃာတော် ကြီးများကို အတင်းလူဝတ်လဲ ထောင်ချလုပ်ခဲ့သည်။ ဘယ်နှနှစ်များ အာဏာမှာ တည်မြဲခဲ့ပါ သနည်း။ သူလုပ်ခဲ့သမျှ အကုသိုလ်ကံတွေပဲ သူ့နောက်ပါသွား မည်သာဖြစ်ပါသည်။ တပ်မတော် ထဲတွင် အခိုင်မာဆုံးဆိုရမည့် ဗိုလ်ခင်ညွန့်တယောက် ဘယ်ပုံစံဖြင့် ပြုတ်သွားခဲ့ရပါ သနည်း။ သူ့တသက် ရှာဖွေစုဆောင်းရယူခဲ့သော ဥစ္စာ များကော တည်မြဲခဲ့ပါရဲ့လား။ သံဃာကို နှိပ်စက် ညှဉ်းပန်းခဲ့ကြသည့် သူ့နောက်လိုက်များကော ဘာဖြစ် သွားကြပါသနည်း။
အခုကော ဦးသန်းရွှေ အာဏာမက်ပြီး သံဃာတော်များကို သတ်ဖြတ်ချေမှုန်းနှိမ်နင်းရေး တွေလုပ်နေပြန်ပြီ။ သူလဲအခု အသက် ၇၄ နှစ်။ နောက်ထပ်ဘယ်နှနှစ်အသက်ရှင်နေဦး မှာမို့လဲ။ ကိုယ်ပြုလိုက်ရသည့် အကုသိုလ် နှင့် ပြန် ရမည့် အာဏာတည်မြဲရေး လုံးဝမမျှတ။ အာဏာမှာ မြဲနေယင်တောင် တနေ့မျှ စားကောင်းခြင်းမစားရ။ အိပ်ကောင်းခြင်းမအိပ်ရ။ အမြဲတန်း ပူပင်သောကဖြင့်သာနေနေရပါမည်။ ရှာဖွေရရှိထားသမျှ ဥစ္စာပစ္စည်းတွေက ကော မြဲပါ့မလား။ ပစ္စည်းသင်္ခါရ လူသင်္ခါရ။ ကိုယ်ကိုယ်တိုင်က ရှေ့လူများကို ရက်ရက်စက်စက် ကျူးလွန်ထားမိ ခဲ့ပြီ။ ထိုအကုသိုလ်ကံများကကော ၀ဋ်မလည်ဘဲနေကြမည်လား။
သည်အာဏာရခဲ့သည့် ကာလတိုတိုကလေးအတွက် အ၀ီစိငရဲမှာ အဆုံးအစမရှိ ကျက်ကြရမှာ မြင်ယောင်သေး သည်။ ဘုရားအလောင်းတော် တေမိမင်းသားကလေးသည် ထိုအပြစ်များကို မြင်သဖြင့် “မင်း” မလုပ်ရအောင် စကားမပြောသည့် အဓိဌာန်ဆောက်တည်ခဲ့ခြင်းဖြစ်သည်။ အမှန်ဆို မိမိအာဏာရနေစဉ်မှာ တိုင်းပြည်ကောင်းစားအောင် လုပ်ဆောင်ပေးကြမည်ဆိုပါလျှင် သူတို့တည်မြဲရေး အတွက် ပြည်သူကပင်ကြိုးပမ်းပေးကြပါလိမ့်မည်။ ဗိုလ်နေ၀င်း၊ ဗိုလ်ခင်ညွန့် တို့ ကျဆုံးသွားပုံကိုကြည့်လျှင် သူတို့သာမက ဆက်စပ်ပတ်သက်သူမှန်သမျှ အားလုံး ဘ၀ပျက် ခဲ့ကြရသည်။ ယခု ဦးသန်းရွှေကျလျှင်ကော၊ အတူတွဲလုပ်ကိုင်ခဲ့ကြသည့် စစ်တပ်၊ ရဲ ၊ ကြံ့ဖွံ့၊ စွမ်းအားရှင် တို့အားလုံး ဘုမသိ ဘမသိ ဖြင့် သံဃာ့ကံများပါ ထိကြ မှာမလွဲပါ။ ထိုကံများမှလွတ်အောင် ဗိုလ်သန်းရွှေ မတတ်နိုင်ပါ။ သူလည်းကံထိုက်မည်သာ ဖြစ်ပါသည်။ပြုလုပ်သူကောစေခိုင်းသူပါအကုသိုလ်ထပ်တူရကြပါလိမ့်မည်။

https://www.facebook.com/ashin.htavara

၆နှစ်ပြည့် ရွေဝါရောင်တော်လှန်ရေးသို့  မြန်မာလူမျိုးတွေအ တွက် သာသနာ ကွယ်ပျောက်တာဟာလူမျိုးပျောက်သလိုဖြစ်လိမ့်မယ်။
ဦးဇင်းတို့မြန်မာနိုင်ငံမှာ ဘုန်းကြီးကျောင်းတွေ ရက်ရက်စက်စက် ၀င်အစီးခံရ။ ဖြိုခွင်းခံရတာဟာ မြန်မာ့ လူ့အဖွဲ့အစည်းထဲမှာ လူမှုရေးတည်…ငြိမ်မှုကို တဘက်တလမ်းက ထိန်းပေးနေတဲ့ လူမှု အဆောက်အအုံတခု ဖျက်စီးခံလိုက်ရသလိုဘဲ၊ ဗုဒ္ဓဘာသာဝင် ကိုးဆယ်ရာခိုင်နှုံး လောက်ရှိတဲ့ မြန်မာနိုင်ငံမှာ ဘုန်းကြီးတွေဟာ လူထုပေါ်မှာရော တိုင်းပြည်အုပ်ချုပ်တဲ့ အစိုးရပေါ်မှာပါအတိုင်းအတာတခုတခုအထိအရှိန်အ၀ါရှိတယ်။
ဒီအချက်ကို မြန်မာနိုင်ငံအကြောင်း လေ့လာနေတဲ့ ပြည်တွင်း ပြည်ပက လေ့လာသုံးသပ်သူတွေကြားမှာ ကျယ်ကျယ်ပြန့်ပြန့် လက်ခံကြတယ်။ သာသနာကို အလုပ်အကျွေးပြုခြင်း၊ တနည်းအားဖြင့် ဘုန်းကြီးကျောင်းများကို လိုအပ်တဲ့ အထောက်အပံ့ပေးခြင်းဟာ အုပ်စိုးသူများရဲ့ တာဝန်တခုဆိုတာ မြန်မာ လူ့အဖွဲ့အစည်းထဲမှာ အစဉ်အဆက် ခံယူလာတဲ့ အချက်တခု ဖြစ်တယ်။ သီပေါမင်း ပါတော်မူပြီးနောက် အင်္ဂလိပ် အစိုးရမင်းများကို ကိုယ့်အရှင်သခင်အဖြစ် လက်မခံနိုင်တဲ့ အကြောင်းတခုက အင်္ဂလိပ် အစိုးရမင်းကို မိစ္ဆာ အယူဝါဒကို ကိုးကွယ်သူအဖြစ် မြင်ကြတဲ့အတွက် ဖြစ်တယ်။ ဆိုတော့ လူထုပေါ်မှာရော၊ အုပ်စိုးသူများပေါ်ပါ အရှိန်အ၀ါရှိတဲ့ ဘုန်းကြီးကျောင်းများဟာ လူမှုဝန်ဆောင်မှု လုပ်ငန်းတွေကို အစိုးရက နိုင်နိုင်နင်းနင်း လုပ်တာမျိုး မရှိတဲ့ မြန်မာ့ လူ့အဖွဲ့အစည်းမှာ အရေးပါတဲ့ လူမှုဝန်ဆောင်မှု လုပ်ငန်းတွေကို သူ့နည်း သူ့ဟန်နဲ့ တဘက် တလမ်းက ဆောင်ရွက်ပေးနေတဲ့ အင်မတန်မှ အရေးပါတဲ့ လူမှုရေး အဆောက်အအုံတွေဖြစ်နေတယ်။
အနောက်နိုင်ငံတွေမှာ ဆင်းရဲချမ်းသာ ကွာဟမှုကို တရားလွန် မဖြစ်အောင် ထိန်းတဲ့အခါ လူတိုင်း လူတန်းစေ့ နေနိုင်ရေးအတွက် လူမှုဖူလုံရေး လုပ်ငန်းတွေကို ဖော်ဆောင်တဲ့အခါ ချမ်းသာတဲ့ လူဆီက အခွန်ကို များများကောက်ပြီး အဲဒီက ငွေတွေကို တဘက်အစွန်းကို ပို့ပေးတဲ့အလုပ်ကို အစိုးရ အေဂျင်စီတွေက လုပ်တယ်။ အဲ့သလို လုပ်ငန်းတွေကို လုပ်ဆောင်မဲ့ အစိုးရ အေဂျင်စီတွေ မရှိတဲ့ မြန်မာနိုင်ငံမှာတော့ လူမှုတည်ငြိမ်မှု မပြိုပျက်အောင် ထိန်းပေမဲ့ ပုံသဏ္ဌာန် တိတိကျကျ မဟုတ်တဲ့ လူမှုအဖွဲ့အစည်းတွေ အားကောင်းလာတယ်။ အဲ့ဒီ အဖွဲ့အစည်းတွေထဲမှာ ဘုန်းကြီးကျောင်းတွေဟာ ရှေ့တန်းက ပါဝင်နေတယ်။ ပိုက်ဆံရှိတဲ့သူက ဘုန်းကြီးကျောင်းကို လှူလိုက်တဲ့ ပစ္စည်းကို ဘုန်းကြီးကျောင်းတွေက လိုအပ်တဲ့ သူတွေဆီကို ပြန်လည် ဖြန့်ဖြူးပေးနိုင်တယ်။ ရပ်ကွက်ထဲမှာ လူကြည်ညိုတဲ့ ဘုန်းတော်ကြီးက မရှိဆင်းရဲသားတွေအတွက် ငွေလှူကြပါ၊ ပညာမသင်နိုင်တဲ့ ခလေးတွေအတွက် ကျောင်းလေးစီစဉ်ချင်တယ်၊ တတ်နိုင်သမျှ ၀ိုင်းကြပါဆိုပြီး ဆော်သြ လိုက်ရင် ရပ်ထဲရွာထဲက ငွေကြေး ချောင်လည်သူများဆီက ပိုက်ဆံဟာ ဘုန်းတော်ကြီးရဲ့ ဆော်သြချက်နဲ့ဘဲ လိုအပ်နေတဲ့နေရာကို ရောက်လာတယ်။
မြန်မာနိုင်ငံမှာ လူတွေ စားဝတ်နေရေး ပိုပိုကြပ်တည်းလာတဲ့ အခြေအနေတွေမှာ ဘုန်းကြီးကျောင်းတွေရဲ့ အခန်းကဏ္ဌဟာ ပိုတောင်မှအရေးပါလာ ပိုတောင်မှကျယ်ပြောလာတယ်။ မရှိဆင်းရဲသားတွေကို ကျောင်းမှာ လက်ခံကျွေးထားတာအပြင် မူလတန်းကျောင်းတွေ ဖွင့်ပေးတာတို့၊ မြို့တက် ဆေးကုတဲ့အခါ တည်းစရာမရှိတဲ့ သူတွေအတွက်နေရာ ထိုင်ခင်း စီစဉ်ပေးတာမျိုးတွေထိပါ ဘုန်းတော်ကြီးတွေ၊ ဘုန်းကြီးကျောင်းတွေရဲ့ လုပ်နိုင် ကိုင်နိုင်စွမ်းတွေဟာပို ကျယ်ပြန့်လာတယ်။ ဘုန်းကြီးကျောင်းတွေဟာ လူ့အဖွဲ့အစည်းထဲကနေစင်ထွက်လာတဲ့ တုန်လှုပ် ခြောက်ခြားစရာ လောကဓံတွေကိုလည်း ရေမြှုတ်ကြီးတွေလို ကောင်းကောင်းစုပ်ယူနိုင်တဲ့ လူမှုအဖွဲ့ အစည်းတွေဖြစ်တယ်။ မြန်မာ့ လူနေမှု စံနစ်ပုံစံမှာ ဘုန်းတော်ကြီးကျောင်းတွေဟာ မြန်မာလူမျိုးတွေရဲ့ ကိုယ်ပိုင်း အမှတ်အသားလိုမျိုးလဲ ဖြစ်နေတယ်။ ဘာ့ကြောင့်လဲဆိုတော့ မြန်မာ့ယဉ်ကျေးမှု၊ မြန်မာ ဘာသာစကားမှာ ဗုဒ္ဓဘာသာရဲ့ အငွေ့အသက်တွေ အများကြီး စိမ့်ဝင်နေသလို မြတ်ဗုဒ္ဓရဲ့ အဆုံးအမကို တဆင့်ခံယူရာ၊ မြတ်ဗုဒ္ဓရဲ့ သားတော်များ အဖြစ်နဲ့ ဘုန်းတော်ကြီးတွေကို လူတွေက ရှုမြင် လက်ခံကြတဲ့အတွက် ဖြစ်တယ်။ ဒတ်(ချ) လူမျိုးမနုဿဗေဒပညာရှင် တယောက်က မြန်မာတယောက်ကို ဘာလူမျိုးလဲလို့ မေးတဲ့အခါ ဗုဒ္ဓဘာသာ လူမျိုးလို့ ဖြေတဲ့အတွက် အံ့အားသင့်ဘူးကြောင်း ပြန်ပြောပြဘူးတယ်။ မြန်မာလူမျိုးတွေအတွက် သာသနာ ကွယ်ပျောက်တာဟာလူမျိုးပျောက်သလိုဖြစ်လိမ့်မယ်။ တချို့နေ့စဉ်ဘ၀ရဲ့ အစိတ်အပိုင်းတခုလို ဖြစ်နေတဲ့ ကိစ္စတွေ၊ လုပ်ငန်းကိုင်ငန်းတွေမှာ ဘုန်းတော်ကြီးတွေနဲ့ မပတ်သက်လို့ မရတာတွေ ရှိတယ်။ ဥပမာ မြန်မာလူမျိုးတွေရဲ့ ဓလေ့တခုဖြစ်တဲ့ မနက်ဘုန်းကြီး ဆွမ်းလောင်းတာမျိုး၊ အသံမစဲ ပဌာန်းပွဲတွေဟာ မြန်မာ လူမျိုးတွေနဲ့ ကင်းလို့ မရတဲ့ ကိစ္စတွေဘဲ။  မနက်ဘုန်းကြီးဆွမ်း မလောင်းရရင် တခုခု လိုအပ်နေသလို ခံစားရတယ်လို့ ပြောတတ်တယ်။ တခြား ဗုဒ္ဓဘာသာ မြန်မာလူမျိုးများဟာလဲ အလားတူ ခံစားကြရမှာဘဲ။ လောကီသားတွေရဲ့ ဒါနပါရမီ ဖြည့်ဆည်းရာမှာ အလှူခံပုဂ္ဂိုလ်များအဖြစ်နဲ့ မြန်မာနိုင်ငံက သံဃာအဖွဲ့အစည်းဟာ လူတွေရဲ့ စိတ်ဓာတ်ရေးရာ လိုအပ်ချက်၊ ရုပ်ဝထ္ထုပစ္စည်းတွေ မပြည့်မစုံဖြစ်မှုကနေ ပေါ်လာတဲ့ အဆင်မပြေမှု အမျိုးမျိုးနဲ့ ကြုံနေရသူတွေကို စိတ်ပိုင်းဆိုင်ရာ အေးငြိမ်းမှုပေးနေတဲ့ လူမှု အဖွဲ့အစည်းကြီးတွေ ဖြစ်တယ်။ ခုဘုန်းတော်ကြီးတွေကို အကြမ်းဖက် နှိမ်နင်း ပစ်လိုက်တာဟာ ဦးဇင်းတို့ မြန်မာ့ လူ့အဖွဲ့အစည်းထဲမှာ သာသနာ့ဝန်တင်မက မရှိမဖြစ် အရေး ပါတဲ့ လူမှုဝန်ဆောင်မှု လုပ်ငန်းတွေကိုပါ ၀င်ထမ်းနေရတဲ့ လူမှုအဖွဲ့အစည်းကြီး တခုလုံးကို တိုက်ခိုက်လိုက်ရာ ရောက်တယ်။ ရုပ်ပိုင်းဆိုင်ရာ ဘက်မှာ မဖွံ့ဖြိုးတဲ့ လူ့အဖွဲ့အစည်းထဲက လူတွေကို တတ်အားသရွေ့ စိတ္တသုခ ပေးနေတဲ့ လူမှုအဖွဲ့အစည်းကြီး ပျက်စီးသွားတာဟာ လူတွေကို ဆောက်တည်ရာမရ ဖြစ်သွားစေနိုင်တယ်။ ဒါတွေဟာ ဘုန်းတော်ကြီးတွေကို အကြမ်းဖက် နှိမ်နင်းမှုရဲ့ ရေရှည် အကျိုးဆက်တွေဘဲ။ အမှန်စင်စစ် ထို “ပတ္တနိက္ကုဇ္ဇနကံ” ဆိုသည်မှာ မြတ်စွာဘုရားရှင်၏ ခွင့်ပြုချက်အရ သာသနာတော်ထမ်း ရှင်ရဟန်းတို့အား စော်ကားပြုမူလာခြင်းကို နောင်မပြုရဲအောင် ကံဆောင်တားမြစ် ဆုံးမခြင်းပင် ဖြစ်သည်။
ဆက်လက်ဖော်ပြမည်။

+++++++++++++++++++

၆နှစ်ပြည့်ရွှေဝါရောင်တော်လှန်ရေးသို့ တစ်ချို့ကပြောတယ်။ သံဃာနှင့်နိုင်ငံရေးမပတ်သတ်ဘူးပြောကြတယ်။ ဘယ်လိုထင်ပါသလဲဘုရား။
ဦးဇင်းအမြင် ဒီကိစ္စကတော့ ဦးဇင်းတို့သံဃာတွေနဲ့ဒကာ၊ဒကာမတွေ အကြားမှာနားလယ်မှုလွှဲမှားတဲ့ အဖြစ်တစ်ခုလိုပဲ မြင့်ပါတယ်။ဥပမာအားဖြင…့် ဦးဇင်းတို့မြန်မာနိုင်ငံမှာ ၂၀၀၇ ခုနှစ် စက်တင်ဘာလက ဖြစ်ပွားခဲ့တဲ့ ဆန္ဒပြမှုတွေရဲ့ဖြစ်စဉ်မှာဆိုရင် ပြည်သူ့တော်လှန်ရေးတွေနဲ့ ပါဝါနိုင်ငံ ရေးကြားက ပြိုင်ဆိုင်မှုတွေက အရေးပါတဲ့အချက်ဖြစ်လာနေဆိုတာ။ ဒီဖြစ်စဉ်က ဘာကိုဖော်ပြသလဲဆိုတော့ လူအင်အားအမြောက် အမြားက ပါဝင်ထောက်ခံအားပေးကြတဲ့ ဒီလိုပြည်သူ့တော်လှန်ရေးလှုပ်ရှားမှုတွေကို ဖြစ်ပေါ်လာအောင် ဆောင်ရွက်နိုင်ကြတယ်ဆိုတာရယ် ပြီးတော့  ဒီလုပ်ရှားမှုတွေက အမြဲတမ်းအောင်မြင်နိုင်လိမ့်မယ်လို့ မျှော်လင့်လို့မရဘူးဆိုတာပဲ။ ဦးဇင်းအမြင့်ကတော့ အနည်းဆုံးတော့ဦးဇင်းတို့ ရေတိုကာလကိုကြည်လိုမရဘူးဆိုတာ နောက်ပြီး ဦးဇင်းတို့မြန်မာသမိုင်းမှာကိုယ်က သံဃာတော်တွေဟာ  အဓိ ကကျတဲ့အမှန်တရားက စစ်ရေးကိုအားပြုတဲ့စနစ်ကို ကျင့်သုံးနေတာရယ် နောက်ပြီးတော့ ထိရောက်တဲ့ နိုင်ငံတကာဖိအား တွေ လစ်ဟင်းနေတယ်ဆိုတဲ့ အချက်တွေက အစိုးရ ပါဝါကို ဆက်လက်ဆုပ်ကိုင်နိုင်စေခဲ့တယ်ဆိုတာပါ။ အစိုးရက မကျေချက် တွေကို လူစုလူဝေးနဲ့ ထုတ်ဖော်ဆန္ဒပြတာမျိုးတွေကို ပြင်းပြင်းထန်ထန်တားမြစ်ထားသလို နိုင်ငံရေးအကျဉ်းသားတွေကိုလည်း တစ် ချိန်တည်းမှာပဲ ကာလရှည်ပြစ်ဒဏ်တွေနဲ့ အကျဉ်းချထားတာမျိုးတွေ လုပ်နေတဲ့ သည်းမခံနိုင်လောက်အောင် ဆိုးရွားနေတဲ့ မြန်မာ ပြည်ရဲ့ နိုင်ငံရေးအခင်းအကျင်းမှာ ပေါက်မြောက်အောင်မြင်တဲ့ လူထုတော်လှန်ရေးလှုပ်ရှားမှုတွေကို စတင်လှုံ့ဆော်ဖို့နဲ့ ဆောင် ရွက်အကောင်အထည်ဖော်ဖို့ ဆိုတာတွေကိုလုပ်ဖို့အတွက် စိန်ခေါ်မှုတွေက ကြောက်ခမန်းလိလိပါပဲ။ တခြားနိုင်ငံတွေမှာတော့ တက်ကြွလှုပ်ရှားသူတွေအနေနဲ့ သူတို့ရဲ့အမှားတွေကနေတဆင့် သင်ယူမှုတွေလုပ်ပြီးတော့ သူတို့ရဲ့နည်းဗျူဟာတွေကို ပြန်လည် ပြင်ဆင်မှုတွေလုပ်ပြီး နောက်တစ်ကြိမ်ကြိုးစားဖို့ အခွင့်ရှိကြပါတယ်။ ဦးဇင်းနိုင်ငံမှာ သံဃာတွေကို ကန့်သတ်ချက်တွေထားပြီး အမြင့်လွှဲမှာအောင်လုပ်ထားတဲ့ စနစ်ကြောင်းဖြစ်ပါတယ်။ ဦးဇင်းဒီမှာထပ်ပြောခြင်းတာက စနစ်ကြောင်းဖြစ်ရတဲ့ တခြားသော  ပြည်တွင်းက ပါဝါအာဏာကို ကိုင်ထားတဲ့သူတွေရဲ့ လူထုတော်လှန်ရေး လှုပ်ရှားမှုတွေကို ဘယ်နည်းဘယ်ပုံကိုင်တွယ်ရမလဲဆိုတဲ့ နည်းလမ်းတွေနဲ့ ပတ်သက်ပြီး အရင်ဆုံးသတိထားမိတာက ရဟန်းသံဃာတွေပဲ ဖြစ်ပါတယ်။တစ်အားဖြင့် နည်းလမ်းတွေကို နိုင်ငံတကာမှာ ဖြစ်ပေါ်နေတဲ့ ပြိုင်ဆိုင်မှုတွေကလည်းပဲ တစ်နည်းတစ်ဖုံနဲ့ ပုံဖော်ပေးနေပါတယ်။ဦးဇင်းတို့ မြန်မာပြည်ရဲ့ဖြစ်စဉ်မှာဆိုရင် တ ခြားသောနိုင်ငံတွေနဲ့ စီးပွားရေးဆက်ဆံမှုတွေမှာ တိုးတက်နေတဲ့အချက်က နိုင်ငံတကာရဲ့ ပြစ်တင်ဝေဖန်မှုတွေကို အားနည်းချိနဲ့ လာခဲ့အောင် လုပ်နိုင်ခဲ့တဲ့အလားအလာရှိပါတယ်။ သို့သော်လည်း ဒေသတွင်းအင်အားကြီးတွေဖြစ်တဲ့အပြင် မြန်မာနိုင်ငံအပေါ် လည်း လွှမ်းမိုးမှုအရှိဆုံးနိုင်ငံတွေဖြစ်တဲ့ အိန္ဒိယနဲ့တရုတ်တို့လိုမျိုးနိုင်ငံတွေက အစိုးရအပေါ်မှာ ထိထိရောက်ရောက်ဖိအားပေးတာ မျိုးကို တက်တက်ကြွကြွလုပ်ဖို့ စိတ်ကူးမရှိတာက စစ်တပ်ကဗိုလ်ချုပ်ကြီးတွေကို အင်အားသုံးဖြိုခွင်းတာမျိုးလုပ်ဖို့ပိုမိုလွယ်ကူသွားစေပါလိုတယ်။ဦးဇင်းမြင့်ပါတယ်။နောက်ပြီးကုလသမဂ္ဂရဲ့လုံခြုံရေးကောင်စီမှာ မြန်မာပြည်ရဲ့ဖြစ်ရပ်တွေကို ဆွေးနွေးတာမျိုးတွေလုပ်ခဲ့ပါတယ်။ ဒါပေမယ့်လည်း တ ရုတ်နဲ့ရုရှားတို့က ဗီတိုအာဏာကို ဆုပ်ကိုင်ထားတာမို့လို့ ထိရောက်တဲ့အရေးယူမှုတွေကို မလုပ်နိုင်ခဲ့ပါဘူးဆိုတာ ဦးဇင်းတို့အတွက် သင်္ခန်းစာတွေလို့ပဲ ထင်ပါတယ်။ ၂၀၀၇ခုနှစ်မှာ ဦးဇင်းတို့နိုင်ငံကိုကုလသမဂ္ဂကနေ အင် အားသုံးဖြိုခွင်းမှုတွေလုပ်နေစဉ်မှာပဲ အထူးကိုယ်စားလှယ်တွေကို စေလွှတ်ခဲ့တာကလည်း ထိရောက်တဲ့လက်ဆုပ်လက်ကိုင်ပြနိုင်တဲ့ ရလဒ်မျိုးကို မရယူနိုင်ခဲ့ပါဘူးဆိုတာ ဂမ်းဘာရီခရီးစဉ်တွေက သိသာထင်ရှားပါပဲ။ ဦးဇင်းထင်ကတော့ အဲဒီကိစ္စရဲ့ရလဒ်ကတော့ အစိုးရက သူတို့ကိုယ်သူတို့ ယုံကြည်မှုတိုးလာခဲ့ပြီး သူတို့ရဲ့အစီအစဉ်တွေကို အတားအဆီးမ ရှိ ဆက်လက်လုပ်ကိုင်ခွင့်ရခဲ့သလို တစ်ချိန်တည်းမှာပဲ တက်ကြွလှုပ်ရှားသူတွေနဲ့ သာမန်ပြည်သူလူထုရဲ့ အမြင်မှာတော့ သူတို့အ တွက်အလိုအပ်ဆုံးအချိန်မှာ စွန့်ပယ်ခံထားရတယ်ဆိုတဲ့ ခံစားချက်တွေ ဖြစ်ပေါ်စေခဲ့ပါတယ်မမှားပါဘူး။ ဦးဇင်းပြောခြင်းတာက အလုပ်ဆိုတာ ရုတ်ချည်းအောင်မြင်မှုမျိုးကို ဖော်ဆောင်ဖို့အတွက် လူထုလှုပ်ရှားမှု တွေက ရှုံးနိမ့်ခဲ့ရသော်ငြားလည်းပဲ နောင်လာမယ့်နှစ်တွေမှာ ပါဝါအာဏာမျှခြေကို သက်ရောက်မှုတွေရှိစေမယ့် လက်ဆုပ်လက်ကိုင်ပြနိုင်တဲ့ အခြေအနေနဲ့ရော စိတ်ပိုင်းဆိုင်ရာခံစားချက်တွေအနေနဲ့ပါ ရှိနေမယ့် ကြိမ်မီးအုံးနေတဲ့အကြောင်းအချက်တွေကတော့ ရှိနေနိုင်ပါ တယ်။ မြန်မာပြည်ရဲ့အနေအထားကို ပြန်ပြီးကြည့်မယ်ဆိုရင် ဗုဒ္ဓဘာသာဝင်ဘုန်းတော်ကြီးတွေအပေါ် ပြင်းထန်တဲ့အကြမ်းဖက်မှုတွေ ပြုခဲ့တာက ပြည်သူထုတစ်ရပ်လုံးရဲ့ နိုင်ငံရေးခံယူချက်တွေကို နိုးကြားစေခဲ့ပြီးတော့ အစိုးရရဲ့ စိတ်ဓါတ်ရေးရာအရ တရားဝင်ဖြစ်မှု ကို ရယူရန် ကြိုးပမ်းအားထုတ်နေမှုကိုအကြီးအကျယ်အထိနာစေခဲ့ဆိုတာသံဃာတော်တွေ၏၂၀၀၇ခုနှစ်ကသမိုင်းသက်သေတစ်ခုလိုပြောရပါမယ်။ နောက်ပြီးတော့ ဘာဖြစ်လို့များ ဗုဒ္ဓဘာသာဘုန်းတော်ကြီးတွေက ဦးဆောင်မှုကို ပြုခဲ့ကြတာလဲဆိုတာနဲ့ ဒီလှုပ် ရှားမှုကြီးရဲ့ အကျိုးသက်ရောက်မှုကို ဘယ်လိုတန်ဖိုးဖြတ်အဆုံးအဖြတ်ပြုသင့်တယ်ဆိုတာတွေနဲ့အတူ အကြမ်းမဖက်လှုပ်ရှားပါ့ မယ်လို့ သံဓိဋ္ဌာန်ချထားချက်ရဲ့ အဆင့်ကွဲပြားပုံ၊ နည်းပညာအသစ်တွေရဲ့အခန်းကဏ္ဍ၊ လူမျိုးစုတွေရဲ့ကိုယ်ပိုင်ပြဌာန်းခွင့်အတွက်ပါရုန်းကန်နေရတဲ့မြန်မာပြည်အခြေအနေရဲ့သီးခြားစရိုက်လက္ခဏာများကိုပါ ဆွေးနွေးဖို့အတွက် သံဃာတော်တွေက ဒီနိုင်ငံရေလောကကိုရောက်ခဲ့ရပါတယ်။ ၂၀၀၇ ခုနှစ်သြဂုတ်လ လလယ်မှာ မြန်မာပြည်သူလူထုကြီးတစ်ရပ်လုံးက အစိုးရရဲ့လောင်စာဆီနဲ့ပတ်သက်ပြီး အကူအညီတွေပေး နေတာကို ရုတ်ချည်းဆိုသလို ရပ်တန့်လိုက်လို့ ဒီဇယ်နဲ့ CNG သဘာဝဓါတ်ငွေ့တွေရဲ့ဈေးနှုန်းက အလွန်အမင်းမြင့်တက်သွားတဲ့ အ ကြောင်းကိုသိလိုက်ရလို့ ထိတ်လန့်ကုန်ကြတယ်။ သယ်ယူပို့ဆောင်ရေးစရိတ်တွေနဲ့ အခြေခံစားသုံးကုန်တွေရဲ့ စရိတ်တွေက မိုးထိ အောင်ဒုံးပျံလို မြင့်တက်သွားတာကြောင့် အထူးသဖြင့်တော့ အောက်ခြေလူတန်းစား ဆင်းရဲသားတွေအတွက် အထိနာတဲ့ဆုံးရှုံးနစ် နာမှုတွေ ဖြစ်ပေါ်လာတယ်။ လူအချို့က အလုပ်ကိုသွားဖို့ လမ်းစရိတ်တောင် မတတ်နိုင်တော့တဲ့အထိ ဖြစ်ကုန်တယ်။ ဦးဇင်းမြန်မာနိုင်ငံမှာ ၁၉၈၈ခုနှစ် ဒီမိုကရေစီအရေးတော်ပုံ လှုပ်ရှားမှုကြီးကို ဦးဆောင်ခဲ့ကြတဲ့ ဖမ်းဆီးခံနိုင်ငံရေး အကျဉ်းသားဟောင်းတွေနဲ့ ဖွဲ့စည်းထား တဲ့ ၈၈မျိုးဆက်ကျောင်းသားများအဖွဲ့က ဦးဆောင်ပြီးတော့ မြန်မာနိုင်ငံရဲ့အကြီးဆုံးမြို့ဖြစ်တဲ့ ရန်ကုန်မှာ ဆန္ဒပြချီတက်မှုတွေလုပ်ခဲ့ ပြီး အစိုးရထံမှာ ဈေးနှုန်းတွေ မြင့်တက်နေတာတွေကို ပယ်ဖျက်ပေးဖို့ တောင်းဆိုခဲ့ကြတယ်။ အစိုးရက လျင်လျင်မြန်မြန်နဲ့ပဲ သူတို့ ရှာဖွေဖမ်းဆီးနိုင်ခဲ့တဲ့ အဖွဲ့ရဲ့ဦးဆောင်သူတွေကို ထောင်ဒဏ်ပြစ်ဒဏ်တွေချမှတ်ခဲ့တာကြောင့် ချီတက်ဆန္ဒပြသူတွေရဲ့ စိုးရိမ်မှုတွေ က တိုးတိုးလာခဲ့အမှန်ပါပဲ။ နိုင်ငံရေးမှာ အရည်ချင်းပြည့်ဝတဲ့ အသိဥာဏ်ကြွယ်ဝတဲ့ ဗုဒ္ဓဘာသာသံဃာတော်အဖွဲ့ငယ်တစ်ဖွဲ့က ချီတက်ဆန္ဒပြမှုကို ဆက်လက် လုပ်ဆောင်ဖို့တာဝန်ကို ပုခုံးပြောင်းယူဖို့ ဆုံးဖြတ်လိုက်ကြတယ်။ ဒီသံဃာတော်တွေရော၊ သာမန်ဘုန်းတော်ကြီးတွေကပါ လူထု ကြီးကြုံတွေ့နေရတဲ့ အခက်အခဲတွေကို ကောင်းကောင်းကြီးသိနေကြတယ်။ ဘာလို့လဲဆိုတော့ သံဃာာတော်တွေဟာ နေ့စဉ်နေ့ တိုင်း ကျောင်းကနေထွက်ပြီးတော့ ဒကာ၊ ဒကာမလူထုကြီးဆီကနေ ဆွမ်းအလှူကို ခံနေကြရလို့ပဲ။ တစ်နေ့တခြားလူတွေက ပိုပြီး တော့သူတို့ကိုယ်သူတို့တောင်မှ ကောင်းကောင်းမွန်မွန် စားသောက်နိုင်ခြင်းမရှိသလို၊ အလှူဒါနကိုလည်း ကောင်းမွန်စွာလှူဒါန်းနိုင် တဲ့ အနေအထားမရှိတော့ဘူး။ ဒါကအလွန်ကိုစိတ်ပျက်စရာအခြေအနေပါ။ သံဃာကို ဆွမ်းလုပ်ကျွေးလှူဒါန်းတယ်ဆိုတာက ထေရ ဝါဒဗုဒ္ဓဘာသာဝင်တွေအဖို့ အခြေခံအကျဆုံး ကုသိုလ်ကောင်းမှုပြုခြင်းဖြစ်တယ်ဆိုတာ အားလုံးအသိဖြစ်ပါတယ်။မြန်မာနိုင်ငံရေးမှာ အကြီးးမားဆုံး သံဃာတွေကလမ်းမပေါ်ထွက်လာခဲ့တာပါပဲ။သမိုင်းမှာ သံဃာတော်တွေနိုင်ငံရေးနဲ့မပတ်သတ်ရဘူးလိုပြောနေပင်မယ် သမိုင်းကတော့ ခေတ်အဆက်မှာရှိနေတယ်။အားလုံးလက်ခံရမယ်ဆိုတာ ကိုတော့ ဦးဇင်းပြောချင်းပါတယ်။ လူတိုင်းလူအခွင့်ရေးအပြည့်ဝရရှိနိုင်ကြပါစေ။
စက်တင်ဘာထာဝရSee more

+++++++++++++++++++++++++++++

၆နှစ်မြောက် ရွှေဝါရောင် အမှတ်တမ်း သမိုင်းကိုပြန်ကြည်ခြင်း။
၂၀၀၇ ခုနှစ်ရွှေဝါရောင်တော်လှန်ရေး ဖြစ်ပြီးသည့်နောက်မှာ သံဃာနှင့် လူထု အကြား သွေးစည်းမှုတခု ဖြစ်ပေါ်ခဲ့သည် ကို တွေ့ရသည်။ သံဃာများအပေါ် နဂိုက သာမန် ကြည်ညိုမှု သာရှိခဲ့ကြ သည့် လူတချို့၏ ထင်…မြင်ချက် ပြောင်း လဲသွားကာ လေးလေးနက်နက် ကြည်ညိုလေးစား လာသည်ကို တွေ့ရှိရသည်။ တခြားဘာသာဝင်များ ကပင် ရဟန်းသံဃာများ၏ အနစ်နာခံမှု စွန့်လွှတ်မှုကို အသိအမှတ်ပြု လေးစားခဲ့ကြသည်။ သံဃာများ၏ အခန်းကဏ္ဍကိုမူ ၂၀၀၇ ခုနှစ် ရွှေဝါရောင်တော်လှန်ရေး ပြီးနောက်မှာ နိုင်ငံရေး လှုပ်ရှားမှု မဟုတ်ဘဲ ကယ်ဆယ်ရေး လုပ်ငန်းကရသည့် နိုင်ငံရေး အကျိုးအမြတ်ဟူ၍ နိုင်ငံရေး လေ့လာ သူများက သုံးသပ်ကြသည်။ ရွှေဝါရောင် တော်လှန်ရေးမှာ နိုင်ငံရေးလှုပ်ရှားမှု တခုဖြစ်သည်။ အကြမ်းမဖက်သော ငြိမ်းချမ်းစွာ မေတ္တာ ပို့ ချီတက်လမ်းလျှောက်သော လှုပ်ရှား မှုမှာ လူထုအရေးကို ရဟန်းသံဃာများ ကရှေ့မှ ထွက်ရပ်ကာ ငြိမ်းချမ်းစွာ ဦးဆောင်ခဲ့ကြသည်။ မြန်မာပြည် လူထု အရေးကြုံလာသောအခါ သံဃာများက ရှေ့ကိုထွက်ပြီး ဆောင်ရွက်ပေးခဲ့သည့် သာဓကဖြစ်ခဲ့သည်။ သံဃာတော်များ နှင့်လူထု အကြား မှ စည်းလုံးရေး စိတ်ဓာတ် သည်လည်း နောင်ကြုံလာမည့် နိုင်ငံရေး အန္တရာယ်ကျရောက်သည့် ကာလတွင် ခိုကိုးရာ အဆောက်အဦဖြစ်၍  ရခိုင်-မိတ္ထိလာ-လားရှိုင်း-စသည့် အကြမ်းဖတ်မှုများအပြီးတွင် ခိုင်မာသည့် စိတ်ဓာတ်ရေးရာ အဆောက်အဦတခု အဖြစ်တည်ခဲ့ပြီ ဟု နိုင်ငံရေး အကဲခတ်လေ့လာသူများက ဆိုသည်။ဒီကနေ့ သံဃာတော်များ အပြစ်တင်ဝေဖန်းနေကြသော လူများအားလုံးဟာ အမိယုတ်တော့ာနှုပ်ကြမ်းဆိုးတဲ့ အတိုင်း သံဃာအပေါ် ကျေးဇူးကန်းသော လုပ်ရပ်သာဖြစ်ပါသည်။ ဒီအချက်တွေကို လေ့လာကြည်စေချင်းပါတယ်။ (က)သံဃာတော်များက စစ်အစိုးရကို သပိတ်မှောက် ကံဆောင်ထားတာ ခုအထိ သပိတ်မလှန်ရသေးဘူး။ သူတို့က ၀န်ချတောင်းပန်မှ သ ပိတ်လှန်ရပါမယ်။ သပိတ်မှောက် ကံဆောင်တယ်ဆိုတာ အင်မတန် အပြစ်တာဝန် ကြီးလေးပါတယ်။ ကံကြီးထိုက်တတ်တယ်။ ဒကာ ဒကာမတွေက သူတို့ နဲ့ ပူးပေါင်းရင် အဖျားခတ်တာခံရမယ်။ မပူးပေါင်းကြနဲ့ ။ (ခ) စစ်သားတွေက သတ်ရဲကြတယ်။ မသေရဲကြဘူး။ ဘုန်းကြီးတို့ က မသတ်ရဲဘူး။ သေရဲကြတယ်။ (ဂ) အမျိုးဘာသာ သာသနာအတွက် အသက်စွန့် ရင် မြတ်သောသေခြင်း ဖြစ်လို့ ကောင်းရာရောက်မယ်။ (ဃ) နိုင်ငံရေးသမားတွေကို ဘုန်းကြီးက မေတ္တာရပ်ခံပါတယ် ။ စစ်အစိုးရကို ဆန့် ကျင် တိုက်ပွဲဝင်ရာမှာ ညီညွတ်ကြပါ။ ခဏလေးပဲ ဖြစ်ဖြစ်၊ ဟန်ဆောင်လေးပဲ ဖြစ်ဖြစ် ညီညွတ်ကြစမ်းပါ။ စက်တင်ဘာထာဝရ