ပညာရေးဖြင့် ခေတ်မီတိုးတက်သော ကမ္ဘာကြီးကို တည်ဆောက်နေတဲ့ ဒိန်းမတ်နိုင်ငံhttp://www.mcntv.biz/opinion/81553/
ဒီတပတ် ဆောင်းပါးမှာတော့ ဥရောပသမဂ္ဂ နိုင်ငံထဲက တစ်နိုင်ငံဖြစ်တဲ့ ဒိန်းမတ်နိုင်ငံရဲ့ ပညာရေး စနစ်အကြောင်း ဖော်ပြပေးမှာပါ။
ဒိန်းမတ်နိုင်ငံဟာ ပညာရေးကို အထူးအားပေးတဲ့ နိုင်ငံဖြစ်ပြီး ၁၈၁၄ ခုနှစ်
ကတည်းကစလို့ မူလတန်းပညာ မသင်မနေရစနစ်ကို ကျင့်သုံးခဲ့တဲ့ နိုင်ငံလည်း
ဖြစ်ပါတယ်။ ဒါကြောင့်လည်း ဒိန်းမတ်နိုင်ငံသားတိုင်းနီးပါး (၉၉
ရာခိုင်နှုန်း) ဟာ စာတတ်မြောက်ကြပါတယ်။ အခမဲ့ပညာရေးစနစ်ကို
ကျင့်သုံးတာကြောင့် ဒိန်းမတ်နိုင်ငံမှာ ကျောင်းတက်တဲ့ နိုင်ငံသားတွေဟာ
ကျောင်းတက်ရာမှာ ပိုက်ဆံမကုန်တဲ့အပြင် ပိုက်ဆံတောင်ရပါသေးတယ်။
တစ်နိုင်ငံလုံး မူလတန်းပညာ မသင်မနေရစနစ်ကို ပြဌာန်းထားတာနဲ့အညီ မူလတန်းနဲ့ အလယ်တန်း ကျောင်းသားတွေအတွက် ကျောင်းလခ ထောက်ပံ့ပေးတာတင် မကဘဲ မိဘတွေရဲ့ စီးပွားရေး အခြေအနေကိုပါ ကြည့်ပြီး နေစရိတ်၊ စားစရိတ် စသဖြင့် ဆက်လက် ထောက်ပံ့ပေးနိုင်တဲ့ မူဝါဒမျိုးကိုပါ ကျင့်သုံးပါတယ်။
အလယ်တန်း၊ အထက်တန်းနဲ့ တက္ကသိုလ်ကျောင်းသား အားလုံးကို ပိုက်ဆံပေးပါတယ်။ မူလတန်းကစလို့ တက္ကသိုလ် အဆင့်မှာတောင် ပါရဂူရဘွဲ့ ရတဲ့အထိ ကျောင်းတက်နိုင်တယ်ဆို ကျောင်းလခကို အစိုးရက စိုက်ထုတ်ပေးလေ့ ရှိသလို ထောက်ပံ့ကြေးတောင် ချီးမြှင့်လေ့ ရှိပါသေးတယ်။ အသက် ၁၈ ကနေ ၂၀ ဝန်းကျင် ကောလိပ်တန်း၊ တက္ကသိုလ်တန်း ဝင်ဖို့ ဖြေဆိုနေတဲ့ ကျောင်းသား၊ ကျောင်းသူတွေကိုတော့ တစ်လကို အမေရိကန်ဒေါ်လာ ၉၆၀ ထောက်ပံ့ပါတယ်။ ဆင်းရဲတယ်ဆိုတာကို သက်သေ အထောက်အထားနဲ့ ပြနိုင်ရင် တစ်မိသားစုလုံး စားသောက်ဖို့တောင် ထောက်ပံ့ပါတယ်။
ကောလိပ်၊ တက္ကသိုလ်၊ ဒီဂရီ ကျောင်းသူ၊ ကျောင်းသားတွေအတွက် ထောက်ပံ့ကြေးက ပိုများပါတယ်။ တစ်လကို အမေရိကန်ဒေါ်လာ ၉၆၀ နဲ့ မလောက်တဲ့အတွက် အခြေအနေကိုကြည့်ပြီး ထောက်ပံ့ပါတယ်။ ဒီအတွက် ခြောက်နှစ်သတ်မှတ် ပေးထားပါတယ်။ ခြောက်နှစ်စာ ထောက်ပံ့ပေးပြီး အကြောင်းအမျိုးမျိုးကြောင့် ပညာသင်ကာလ အတွင်းမှာ အချိန် အဆုံးခံနိုင်လို့ အထူးပြုဘာသာ ပြောင်းခဲ့မယ် ဆိုရင်တောင် ထောက်ပံ့ကြေးက ပေးမြဲပေးဆဲပါ။
မသန်စွမ်းကျောင်းသူ၊ ကျောင်းသားတွေအတွက် ထောက်ပံ့ကြေးဟာလည်း အသက်အရွယ် အားလုံး အကျုံးဝင်ပါတယ်။ သာမန်ရနေတဲ့ ထောက်ပံ့ကြေးအပြင် တစ်လကို အမေရိကန်ဒေါ်လာ ၁၃၆၄ ဒေါ်လာ အပို ထပ်ရပါသေးတယ်။
တက္ကသိုလ်ဘွဲ့ရပြီး မာစတာ တက်မယ့်သူများက ကောလိပ်အဆင့် (Tertiary education) မှာ မပါတော့တဲ့အတွက် ထောက်ပံ့ကြေးငွေ မရတော့ပါဘူး။ ဒါပေမယ့် ဒီထက် ပိုကောင်းတာ ရပါတယ်။ တက္ကသိုလ်ရဲ့ သုသေတနဌာနတွေမှာ အလုပ်ရပြီး သူတို့ရဲ့ တစ်နှစ်ဝင်ငွေဟာ အမေရိကန်ဒေါ်လာ ၁၈၀၀၀ ဝန်းကျင်မှာ ရှိပါတယ်။ Ph.D တက်နေတုန်း အခက်အခဲတွေကို သေချာထောက်ပြ တင်ပြနိုင်ရင် ထောက်ပံ့ကြေးငွေလည်း ဆက်ရဦးမှာ ဖြစ်ပါတယ်။
အဲဒီ ငွေတွေကို ဒိန်းမတ်အစိုးရက အလကား ပေးလိုက်တယ်လို့ မသတ်မှတ်ပါဘူး။ တစ်နေ့ လုပ်ငန်းခွင် ဝင်တဲ့အခါ ပြန်ဆပ်ရမယ်ဆိုတဲ့ ချေးငွေသဘောနဲ့ ပေးတာဖြစ်ပါတယ်။ ဒါပေမယ့် ကျောင်းပြီးလို့ ၁၅ နှစ်ကြာတောင် ဒီချေးငွေကို ပြန်မပေးလည်း ဘာဥပဒေနဲ့မှ ငြိစွန်းမှု မရှိဘူးလို့ ဆိုပါတယ်။
ဒါကြောင့် ဒိန်းမတ်နိုင်ငံဟာ ပညာရေးစနစ်တစ်ခုလုံး အခမဲ့ ဖြစ်တဲ့အပြင် ပိုက်ဆံတောင် ရပါသေးတယ်။ နိုင်ငံကသေး၊ လူဦးရေကလည်းနည်း၊ ဝင်ငွေများတဲ့ တိုင်းပြည်လည်းဖြစ်တော့ ပညာရေးစနစ်ကို အကောင်းဆုံး ဖန်တီးပါတယ်။ အပိုတက်ရတဲ့ ကျူရှင်လည်း မရှိပါဘူး။ ဒီနေ့အထိ ပညာရေးစနစ်တစ်ခုလုံး အခမဲ့ဖြစ်ပြီး ကျောင်းသားတွေကိုတောင် ပိုက်ဆံပေးတဲ့အတွက် ကမ္ဘာမှာ ထူးခြားအံ့သြဖွယ် ပညာရေး ဦးစားပေးတဲ့ နိုင်ငံအဖြစ် သတ်မှတ်ခံထားရတဲ့ နိုင်ငံပါ။
ဒိန်းမတ်နိုင်ငံမှာ အခြေခံပညာရေး ပြီးတဲ့နောက် အဆင့်မြင့်ပညာ သင်ကြားရေးကို ဆက်လက် လေ့လာနိုင်အောင် ပံ့ပိုးမှုတွေ ပေးသလို အသက်မွေးဝမ်းကြောင်း ပညာရပ်တွေ ဖြစ်တဲ့ စက်မှုပညာသင်ကျောင်း၊ ကူးသန်းရောင်းဝယ်ရေး ပညာသင်ကျောင်း၊ စိုက်ပျိုးရေး သင်တန်းကျောင်း စသဖြင့် သင်ကြားနိုင်အောင်လည်း သက်မွေးဝမ်းကြောင်း ပညာရပ်တွေကို သင်ကြားတဲ့ ကျောင်းတွေ မြောက်မြားစွာ ဖွင့်လှစ်ပေးထားပါသေးတယ်။
ဒိန်းမတ်နိုင်ငံရဲ့ မြို့တော် ကိုပင်ဟေဂင်နဲ့ အောဟု (စ်) မြို့တွေမှာ တက္ကသိုလ်ကျောင်းတွေ ရှိပါတယ်။ အမျိုးသမီးတွေဟာ ကိုယ့်ဝမ်းကိုယ်ကျောင်းနိုင်တဲ့ အရည်အချင်းလည်းရှိပြီး ကိုယ်ပိုင်အလုပ်တွေ ကိုယ်စီရှိကြရာ အလုပ်အချိန်မှာ သူတို့ ကလေးတွေကို ထိန်းပေးဖို့ ကလေများ ဂေဟာတွေကို နိုင်ငံနဲ့ အဝန်းမှာ တည်ထောင်ထားကြပါတယ်။
ဒိန်းမတ်အစိုးဟာ ပြည်သူလူထုရဲ့ အခြေခံအကျဆုံးသော ပညာရေးမှုဝါဒတွေ ရေးဆွဲချမှတ်ရာမှာ အထောက်အကူ ပြုနိုင်မယ့် ခိုင်မာသော သတင်းအချက်အလက်တွေ ဖော်ထုတ်ရယူဖို့ ရည်သန်ပြီး ဘက်စုံပညာရေးကဏ္ဍ ပြန်လည်သုံးသပ်မှုကို အကြိမ်ကြိမ် ပြုလုပ်ခဲ့ပါတယ်။ ဒိန်းမတ်အစိုးရက ပညာရေးကဏ္ဍကို အားဖြည့်မြှင့်တင်ရေးအတွက် မှုဝါဒတွေ၊ အစီအမံတွေနဲ့ ဥပဒေတွေ ရေးဆွဲပြဋ္ဌာန်းကာ သမ္မတရုံး လက်အောက်မှာ လုပ်ငန်းအဖွဲ့တစ်ရပ် ဖွဲ့စည်း ဆောင်ရွက်ခဲ့ပါတယ်။
ပညာရေးပြုပြင်ပြောင်းလဲမှုမှာ အဓိက အရေးပါသူတွေက လွှတ်တော်အမတ်များ၊ စာပေယဉ်ကျေးမှု ဌာနများ၊ ဖွံ့ဖြိုးရေးဆိုင်ရာ မိတ်ဘက်အဖွဲ့အစည်းများဖြစ်ပြီး ပြည်တွင်းနဲ့ နိုင်ငံတကာ ပညာရေး ပြုပြင်ပြောင်းလဲမှုဆိုင်ရာ ကိစ္စရပ်များကို လွှတ်တော်အမတ်များက ဥပဒေတွေ ချမှတ်ကြပါတယ်။
မိမိတို့ မြန်မာနိုင်ငံ ပြုပြင်ပြောင်းလဲရေးအတွက် အဓိက လုပ်ငန်းစဉ်တွေကို အကောင်အထည် ဖော်ဆောင်လျက် ရှိပေမယ့် ပညာရေးဖွံ့ဖြိုးရေး ပန်းတိုင်တွေဆီမှာ ပညာရေးဆိုင်ရာ မျှော်မှန်းချက်တွေနဲ့ လူတိုင်းအတွက် ပညာရေးပန်းတိုင်တွေဆီ အမီအရောက်လှမ်းနိုင်ရေး စိန်ခေါ်မှု အမြောက်အများ ကျန်ရှိနေသေးပါတယ်။ ကလေးသူငယ်ပေါင်း မြောက်များစွာဟာ ဆင်းရဲနွမ်းပါးမှုကြောင့် ကျောင်းတက်နိုင်တဲ့ အခွင့်အရေးများ မရှိခြင်း၊ လက်လှမ်းမမီခြင်း၊ ပညာရေး အရည်အသွေး အားနည်းခြင်း၊ ဒါမှမဟုတ် ပဋိပက္ခ အခြေအနေတွေ စတာတွကြောင့် စာသင်ကျောင်း ပြင်ပမှာ ရှိနေဆဲဖြစ်ပါတယ်။
မိမိနေထိုင်ရာ အနောက်တိုင်းမှာ ပညာရေးရဲ့ မှုလဟာ ဘာသာရေးနဲ့ များစွာ ပေါင်းစပ်နေကြောင်း တွေ့ရပါတယ်။ ခရစ်ယာန် ဘုန်းတော်ကြီးတွေတွေဟာ လူငယ်တွေကို ပုံစံသွင်းဖို့၊ ပြုပြင်ဖို့၊ ကျောင်းစနစ်ကို ထိမ်းသိမ်းဖို့ဆိုတဲ့ ကောင်းမြတ်တဲ့ စိတ်သဘောထားနဲ့ စတင်ဆောင်ရွက်ခဲ့တာ ဖြစ်ပါတယ်။ ဥရောပရှိ ပထမဦးဆုံးသော တက္ကသိုလ်တွေဟာ ကက်သလစ်ဘာသာမှာ အခြေခံတဲ့ ကျောင်းတွေ ဖြစ်ပါတယ်။
နောက်ပိုင်း ပညာရေးမှာ ဆင်းရဲသားတွေအတွက် အခမဲ့ပညာရေးစနစ်တွေ စတင်လာခဲ့ရာမှာ ခရစ်ယာန် ဘုန်းကြီး မဟုတ်တဲ့ လူဆရာတွေကို ခန့်အပ်တဲ့ တော်လှန်ပြောင်းလဲရေးတွေ ၁၅၆၁ ခုနှစ်က စတင်ကာ စကော့တလန်နိုင်ငံမှာ ပေါ်ထွန်းလာပါတယ်။ ၁၆၃၃ ခုနှစ်မှာ စကော့တလန် ပါလီမန်ဟာ ပညာရေးအတွက် အခကြေးငွေပေးရမယ့် အက်ဥပဒေကို စတင်ထုတ်ပြန်ခဲ့ပါတယ်။ ၁၇ ရာစု အကုန်မှာ စကော့တလန် ပညာရေးဟာ လူတိုင်း စာတတ်မြောက်ရေးကို ဦးတည်လာခဲ့ရုံမက မြင့်မြတ်တဲ့ လူတန်းစားကလွဲပြီး သင်ကြားတဲ့ သီးခြားပညာရေးစနစ်ကို စတင် ဆောင်ရွက်လာနိုင်ခဲ့ပါတယ်။
မိမိတို့ နေထိုင်ရာ ကမ္ဘာကြီးမှာ အသိပညာခေတ် သမိုင်းမှာ ရှိခဲ့ဖူးပါတယ်။ အဲဒီခေတ်ဟာ ဘာသာရေးနဲ့ ပညာရေးကြားမှာ ပြဿနာပွားစေခဲ့တဲ့ ကာလလည်း ဖြစ်ပါတယ်။ ရှုးဆိုး (Jean-jacques Rousseau) ဟာ အစဉ်အလာ ဘာသာရေး အခြေခံပညာရေးစနစ်ရဲ့ လွှမ်းမိုးမှုကို တွန်းလှန်ပြီး ကလေးသူငယ်တွေကို ဖွံ့ဖြိုးတိုးတက်စေဖို့ လူသားအခြေခံ အသိတရားတွေနဲ့သာ သင်ကြားပေးသင့်ကြောင်း ပြောခဲ့ပါတယ်။
လူ့သမိုင်းမှာ ၁၉ ရာစုက ဖြစ်ပွာခဲ့တဲ့ စက်မှုတော်လှန်ရေးက လူထုကို စည်းကမ်းလိုက်နာတတ်မှုရဲ့ အရေးပါပုံကို သာမက အလုပ်သမားများဟာ အခြေခံပညာ အနည်းဆုံး ရှိသင့်တယ်ဆိုတဲ့ သဘောတရားတွေကိုပါ ပေးသွားခဲ့ပါတယ်။ ဒီအခြေအနေမှာ လူတိုင်းဖြစ်ပေါ်လာတဲ့ ဆန္ဒနဲ့ တောင်းဆိုမှုတွေကနိုင်ငံတော်အနေနဲ့ ကျောင်းဟူ၍ သတ်မှတ်ပေးရေး၊ သတ်မှတ်ပေးတဲ့ ကျောင်းတွေမှာ သင်ရိုးညွှန်းတမ်းတွေကို သတ်မှတ်ပြဋ္ဌာန်း သင်ကြားပေးရေးတို့ ဖြစ်ပါတယ်။
ယနေ့ ၂၁ ရာစုမှာ အသက်မွေးဝမ်းကြောင်း ပညာရေးက နောက်ဆက်တွဲအဖြစ် လိုက်ပါဖွံ့ဖြိုးလာပြန်ပါတယ်။
စီးပွားရေး ဖွံ့ဖြိုးတိုးတက်လာတာနဲ့အမျှ လုပ်ငန်းခွင် ကျွမ်းကျင်သူတွေ ပေါ်ထွန်းရေးက အစဉ်အလာ ပညာရေးထက် လူသားတို့ဆန္ဒအရ ထပ်မံတောင်းဆိုလာတဲ့ ပညာရေးစနစ် ဖြစ်လာခဲ့ပါတယ်။ ဒိန်းမတ်နဲ့ အနောက်တိုင်း ဥရောပ နိုင်ငံတို့မှာ လုပ်ခွင်ပညာရေး၊ အလုပ်လုပ်ရင်း ပညာသင်ရေး၊ လုပ်သားပညာရေးတို့ဟာ နောက်ဆက်တွဲ ပေါ်ထွန်းလာတဲ့ စနစ်တွေ ဖြစ်လာပါတယ်။ ယနေ့ ဒိန်းမတ်နိုင်ငံမှာ လက်တွေ့သင်ကြားနေကြပြီး ပညာရေးဖြင့် ခေတ်မီတိုးတက်သော ကမ္ဘာကြီးကို တည်ဆောက်နေကြပြီ ဖြစ်ပါတယ်။
ရွှေဝါရောင် အရှင်ထာဝရ (နော်ဝေ)
တစ်နိုင်ငံလုံး မူလတန်းပညာ မသင်မနေရစနစ်ကို ပြဌာန်းထားတာနဲ့အညီ မူလတန်းနဲ့ အလယ်တန်း ကျောင်းသားတွေအတွက် ကျောင်းလခ ထောက်ပံ့ပေးတာတင် မကဘဲ မိဘတွေရဲ့ စီးပွားရေး အခြေအနေကိုပါ ကြည့်ပြီး နေစရိတ်၊ စားစရိတ် စသဖြင့် ဆက်လက် ထောက်ပံ့ပေးနိုင်တဲ့ မူဝါဒမျိုးကိုပါ ကျင့်သုံးပါတယ်။
အလယ်တန်း၊ အထက်တန်းနဲ့ တက္ကသိုလ်ကျောင်းသား အားလုံးကို ပိုက်ဆံပေးပါတယ်။ မူလတန်းကစလို့ တက္ကသိုလ် အဆင့်မှာတောင် ပါရဂူရဘွဲ့ ရတဲ့အထိ ကျောင်းတက်နိုင်တယ်ဆို ကျောင်းလခကို အစိုးရက စိုက်ထုတ်ပေးလေ့ ရှိသလို ထောက်ပံ့ကြေးတောင် ချီးမြှင့်လေ့ ရှိပါသေးတယ်။ အသက် ၁၈ ကနေ ၂၀ ဝန်းကျင် ကောလိပ်တန်း၊ တက္ကသိုလ်တန်း ဝင်ဖို့ ဖြေဆိုနေတဲ့ ကျောင်းသား၊ ကျောင်းသူတွေကိုတော့ တစ်လကို အမေရိကန်ဒေါ်လာ ၉၆၀ ထောက်ပံ့ပါတယ်။ ဆင်းရဲတယ်ဆိုတာကို သက်သေ အထောက်အထားနဲ့ ပြနိုင်ရင် တစ်မိသားစုလုံး စားသောက်ဖို့တောင် ထောက်ပံ့ပါတယ်။
ကောလိပ်၊ တက္ကသိုလ်၊ ဒီဂရီ ကျောင်းသူ၊ ကျောင်းသားတွေအတွက် ထောက်ပံ့ကြေးက ပိုများပါတယ်။ တစ်လကို အမေရိကန်ဒေါ်လာ ၉၆၀ နဲ့ မလောက်တဲ့အတွက် အခြေအနေကိုကြည့်ပြီး ထောက်ပံ့ပါတယ်။ ဒီအတွက် ခြောက်နှစ်သတ်မှတ် ပေးထားပါတယ်။ ခြောက်နှစ်စာ ထောက်ပံ့ပေးပြီး အကြောင်းအမျိုးမျိုးကြောင့် ပညာသင်ကာလ အတွင်းမှာ အချိန် အဆုံးခံနိုင်လို့ အထူးပြုဘာသာ ပြောင်းခဲ့မယ် ဆိုရင်တောင် ထောက်ပံ့ကြေးက ပေးမြဲပေးဆဲပါ။
မသန်စွမ်းကျောင်းသူ၊ ကျောင်းသားတွေအတွက် ထောက်ပံ့ကြေးဟာလည်း အသက်အရွယ် အားလုံး အကျုံးဝင်ပါတယ်။ သာမန်ရနေတဲ့ ထောက်ပံ့ကြေးအပြင် တစ်လကို အမေရိကန်ဒေါ်လာ ၁၃၆၄ ဒေါ်လာ အပို ထပ်ရပါသေးတယ်။
တက္ကသိုလ်ဘွဲ့ရပြီး မာစတာ တက်မယ့်သူများက ကောလိပ်အဆင့် (Tertiary education) မှာ မပါတော့တဲ့အတွက် ထောက်ပံ့ကြေးငွေ မရတော့ပါဘူး။ ဒါပေမယ့် ဒီထက် ပိုကောင်းတာ ရပါတယ်။ တက္ကသိုလ်ရဲ့ သုသေတနဌာနတွေမှာ အလုပ်ရပြီး သူတို့ရဲ့ တစ်နှစ်ဝင်ငွေဟာ အမေရိကန်ဒေါ်လာ ၁၈၀၀၀ ဝန်းကျင်မှာ ရှိပါတယ်။ Ph.D တက်နေတုန်း အခက်အခဲတွေကို သေချာထောက်ပြ တင်ပြနိုင်ရင် ထောက်ပံ့ကြေးငွေလည်း ဆက်ရဦးမှာ ဖြစ်ပါတယ်။
အဲဒီ ငွေတွေကို ဒိန်းမတ်အစိုးရက အလကား ပေးလိုက်တယ်လို့ မသတ်မှတ်ပါဘူး။ တစ်နေ့ လုပ်ငန်းခွင် ဝင်တဲ့အခါ ပြန်ဆပ်ရမယ်ဆိုတဲ့ ချေးငွေသဘောနဲ့ ပေးတာဖြစ်ပါတယ်။ ဒါပေမယ့် ကျောင်းပြီးလို့ ၁၅ နှစ်ကြာတောင် ဒီချေးငွေကို ပြန်မပေးလည်း ဘာဥပဒေနဲ့မှ ငြိစွန်းမှု မရှိဘူးလို့ ဆိုပါတယ်။
ဒါကြောင့် ဒိန်းမတ်နိုင်ငံဟာ ပညာရေးစနစ်တစ်ခုလုံး အခမဲ့ ဖြစ်တဲ့အပြင် ပိုက်ဆံတောင် ရပါသေးတယ်။ နိုင်ငံကသေး၊ လူဦးရေကလည်းနည်း၊ ဝင်ငွေများတဲ့ တိုင်းပြည်လည်းဖြစ်တော့ ပညာရေးစနစ်ကို အကောင်းဆုံး ဖန်တီးပါတယ်။ အပိုတက်ရတဲ့ ကျူရှင်လည်း မရှိပါဘူး။ ဒီနေ့အထိ ပညာရေးစနစ်တစ်ခုလုံး အခမဲ့ဖြစ်ပြီး ကျောင်းသားတွေကိုတောင် ပိုက်ဆံပေးတဲ့အတွက် ကမ္ဘာမှာ ထူးခြားအံ့သြဖွယ် ပညာရေး ဦးစားပေးတဲ့ နိုင်ငံအဖြစ် သတ်မှတ်ခံထားရတဲ့ နိုင်ငံပါ။
ဒိန်းမတ်နိုင်ငံမှာ အခြေခံပညာရေး ပြီးတဲ့နောက် အဆင့်မြင့်ပညာ သင်ကြားရေးကို ဆက်လက် လေ့လာနိုင်အောင် ပံ့ပိုးမှုတွေ ပေးသလို အသက်မွေးဝမ်းကြောင်း ပညာရပ်တွေ ဖြစ်တဲ့ စက်မှုပညာသင်ကျောင်း၊ ကူးသန်းရောင်းဝယ်ရေး ပညာသင်ကျောင်း၊ စိုက်ပျိုးရေး သင်တန်းကျောင်း စသဖြင့် သင်ကြားနိုင်အောင်လည်း သက်မွေးဝမ်းကြောင်း ပညာရပ်တွေကို သင်ကြားတဲ့ ကျောင်းတွေ မြောက်မြားစွာ ဖွင့်လှစ်ပေးထားပါသေးတယ်။
ဒိန်းမတ်နိုင်ငံရဲ့ မြို့တော် ကိုပင်ဟေဂင်နဲ့ အောဟု (စ်) မြို့တွေမှာ တက္ကသိုလ်ကျောင်းတွေ ရှိပါတယ်။ အမျိုးသမီးတွေဟာ ကိုယ့်ဝမ်းကိုယ်ကျောင်းနိုင်တဲ့ အရည်အချင်းလည်းရှိပြီး ကိုယ်ပိုင်အလုပ်တွေ ကိုယ်စီရှိကြရာ အလုပ်အချိန်မှာ သူတို့ ကလေးတွေကို ထိန်းပေးဖို့ ကလေများ ဂေဟာတွေကို နိုင်ငံနဲ့ အဝန်းမှာ တည်ထောင်ထားကြပါတယ်။
ဒိန်းမတ်အစိုးဟာ ပြည်သူလူထုရဲ့ အခြေခံအကျဆုံးသော ပညာရေးမှုဝါဒတွေ ရေးဆွဲချမှတ်ရာမှာ အထောက်အကူ ပြုနိုင်မယ့် ခိုင်မာသော သတင်းအချက်အလက်တွေ ဖော်ထုတ်ရယူဖို့ ရည်သန်ပြီး ဘက်စုံပညာရေးကဏ္ဍ ပြန်လည်သုံးသပ်မှုကို အကြိမ်ကြိမ် ပြုလုပ်ခဲ့ပါတယ်။ ဒိန်းမတ်အစိုးရက ပညာရေးကဏ္ဍကို အားဖြည့်မြှင့်တင်ရေးအတွက် မှုဝါဒတွေ၊ အစီအမံတွေနဲ့ ဥပဒေတွေ ရေးဆွဲပြဋ္ဌာန်းကာ သမ္မတရုံး လက်အောက်မှာ လုပ်ငန်းအဖွဲ့တစ်ရပ် ဖွဲ့စည်း ဆောင်ရွက်ခဲ့ပါတယ်။
ပညာရေးပြုပြင်ပြောင်းလဲမှုမှာ အဓိက အရေးပါသူတွေက လွှတ်တော်အမတ်များ၊ စာပေယဉ်ကျေးမှု ဌာနများ၊ ဖွံ့ဖြိုးရေးဆိုင်ရာ မိတ်ဘက်အဖွဲ့အစည်းများဖြစ်ပြီး ပြည်တွင်းနဲ့ နိုင်ငံတကာ ပညာရေး ပြုပြင်ပြောင်းလဲမှုဆိုင်ရာ ကိစ္စရပ်များကို လွှတ်တော်အမတ်များက ဥပဒေတွေ ချမှတ်ကြပါတယ်။
မိမိတို့ မြန်မာနိုင်ငံ ပြုပြင်ပြောင်းလဲရေးအတွက် အဓိက လုပ်ငန်းစဉ်တွေကို အကောင်အထည် ဖော်ဆောင်လျက် ရှိပေမယ့် ပညာရေးဖွံ့ဖြိုးရေး ပန်းတိုင်တွေဆီမှာ ပညာရေးဆိုင်ရာ မျှော်မှန်းချက်တွေနဲ့ လူတိုင်းအတွက် ပညာရေးပန်းတိုင်တွေဆီ အမီအရောက်လှမ်းနိုင်ရေး စိန်ခေါ်မှု အမြောက်အများ ကျန်ရှိနေသေးပါတယ်။ ကလေးသူငယ်ပေါင်း မြောက်များစွာဟာ ဆင်းရဲနွမ်းပါးမှုကြောင့် ကျောင်းတက်နိုင်တဲ့ အခွင့်အရေးများ မရှိခြင်း၊ လက်လှမ်းမမီခြင်း၊ ပညာရေး အရည်အသွေး အားနည်းခြင်း၊ ဒါမှမဟုတ် ပဋိပက္ခ အခြေအနေတွေ စတာတွကြောင့် စာသင်ကျောင်း ပြင်ပမှာ ရှိနေဆဲဖြစ်ပါတယ်။
မိမိနေထိုင်ရာ အနောက်တိုင်းမှာ ပညာရေးရဲ့ မှုလဟာ ဘာသာရေးနဲ့ များစွာ ပေါင်းစပ်နေကြောင်း တွေ့ရပါတယ်။ ခရစ်ယာန် ဘုန်းတော်ကြီးတွေတွေဟာ လူငယ်တွေကို ပုံစံသွင်းဖို့၊ ပြုပြင်ဖို့၊ ကျောင်းစနစ်ကို ထိမ်းသိမ်းဖို့ဆိုတဲ့ ကောင်းမြတ်တဲ့ စိတ်သဘောထားနဲ့ စတင်ဆောင်ရွက်ခဲ့တာ ဖြစ်ပါတယ်။ ဥရောပရှိ ပထမဦးဆုံးသော တက္ကသိုလ်တွေဟာ ကက်သလစ်ဘာသာမှာ အခြေခံတဲ့ ကျောင်းတွေ ဖြစ်ပါတယ်။
နောက်ပိုင်း ပညာရေးမှာ ဆင်းရဲသားတွေအတွက် အခမဲ့ပညာရေးစနစ်တွေ စတင်လာခဲ့ရာမှာ ခရစ်ယာန် ဘုန်းကြီး မဟုတ်တဲ့ လူဆရာတွေကို ခန့်အပ်တဲ့ တော်လှန်ပြောင်းလဲရေးတွေ ၁၅၆၁ ခုနှစ်က စတင်ကာ စကော့တလန်နိုင်ငံမှာ ပေါ်ထွန်းလာပါတယ်။ ၁၆၃၃ ခုနှစ်မှာ စကော့တလန် ပါလီမန်ဟာ ပညာရေးအတွက် အခကြေးငွေပေးရမယ့် အက်ဥပဒေကို စတင်ထုတ်ပြန်ခဲ့ပါတယ်။ ၁၇ ရာစု အကုန်မှာ စကော့တလန် ပညာရေးဟာ လူတိုင်း စာတတ်မြောက်ရေးကို ဦးတည်လာခဲ့ရုံမက မြင့်မြတ်တဲ့ လူတန်းစားကလွဲပြီး သင်ကြားတဲ့ သီးခြားပညာရေးစနစ်ကို စတင် ဆောင်ရွက်လာနိုင်ခဲ့ပါတယ်။
မိမိတို့ နေထိုင်ရာ ကမ္ဘာကြီးမှာ အသိပညာခေတ် သမိုင်းမှာ ရှိခဲ့ဖူးပါတယ်။ အဲဒီခေတ်ဟာ ဘာသာရေးနဲ့ ပညာရေးကြားမှာ ပြဿနာပွားစေခဲ့တဲ့ ကာလလည်း ဖြစ်ပါတယ်။ ရှုးဆိုး (Jean-jacques Rousseau) ဟာ အစဉ်အလာ ဘာသာရေး အခြေခံပညာရေးစနစ်ရဲ့ လွှမ်းမိုးမှုကို တွန်းလှန်ပြီး ကလေးသူငယ်တွေကို ဖွံ့ဖြိုးတိုးတက်စေဖို့ လူသားအခြေခံ အသိတရားတွေနဲ့သာ သင်ကြားပေးသင့်ကြောင်း ပြောခဲ့ပါတယ်။
လူ့သမိုင်းမှာ ၁၉ ရာစုက ဖြစ်ပွာခဲ့တဲ့ စက်မှုတော်လှန်ရေးက လူထုကို စည်းကမ်းလိုက်နာတတ်မှုရဲ့ အရေးပါပုံကို သာမက အလုပ်သမားများဟာ အခြေခံပညာ အနည်းဆုံး ရှိသင့်တယ်ဆိုတဲ့ သဘောတရားတွေကိုပါ ပေးသွားခဲ့ပါတယ်။ ဒီအခြေအနေမှာ လူတိုင်းဖြစ်ပေါ်လာတဲ့ ဆန္ဒနဲ့ တောင်းဆိုမှုတွေကနိုင်ငံတော်အနေနဲ့ ကျောင်းဟူ၍ သတ်မှတ်ပေးရေး၊ သတ်မှတ်ပေးတဲ့ ကျောင်းတွေမှာ သင်ရိုးညွှန်းတမ်းတွေကို သတ်မှတ်ပြဋ္ဌာန်း သင်ကြားပေးရေးတို့ ဖြစ်ပါတယ်။
ယနေ့ ၂၁ ရာစုမှာ အသက်မွေးဝမ်းကြောင်း ပညာရေးက နောက်ဆက်တွဲအဖြစ် လိုက်ပါဖွံ့ဖြိုးလာပြန်ပါတယ်။
စီးပွားရေး ဖွံ့ဖြိုးတိုးတက်လာတာနဲ့အမျှ လုပ်ငန်းခွင် ကျွမ်းကျင်သူတွေ ပေါ်ထွန်းရေးက အစဉ်အလာ ပညာရေးထက် လူသားတို့ဆန္ဒအရ ထပ်မံတောင်းဆိုလာတဲ့ ပညာရေးစနစ် ဖြစ်လာခဲ့ပါတယ်။ ဒိန်းမတ်နဲ့ အနောက်တိုင်း ဥရောပ နိုင်ငံတို့မှာ လုပ်ခွင်ပညာရေး၊ အလုပ်လုပ်ရင်း ပညာသင်ရေး၊ လုပ်သားပညာရေးတို့ဟာ နောက်ဆက်တွဲ ပေါ်ထွန်းလာတဲ့ စနစ်တွေ ဖြစ်လာပါတယ်။ ယနေ့ ဒိန်းမတ်နိုင်ငံမှာ လက်တွေ့သင်ကြားနေကြပြီး ပညာရေးဖြင့် ခေတ်မီတိုးတက်သော ကမ္ဘာကြီးကို တည်ဆောက်နေကြပြီ ဖြစ်ပါတယ်။
ရွှေဝါရောင် အရှင်ထာဝရ (နော်ဝေ)
0 comments:
Post a Comment