ဆရာဦးထွန်းလွင် ရဲ့သတိပေးချက်ပါ ။

ယနေ့ဖတ်စရာ၊ "ငါးဒီတွေ ပေါ်ပြန်ပြီတဲ့" (၇-၃-၂၀၁၂ ရက်နေ့တွင် post လုပ်သည်။)

ငါးဒီတွေပေါ်ပြန်ပြီတဲ့

မောင်ထွန်းလွင် (မိုးလေ၀သ)

ပင်လယ်ဝရွာနှစ်ရွာက ဟောပြောပွဲ

ပင်လယ်ကမ်းခြေတလျှောက် နာဂစ်ဒေသကမြို့ရွာတွေကို ရာသီဥတုနဲ့သဘာဝဘေး အကြောင်းတွေ အတော်များများ ဟောပြောဖြစ်ပါတယ်။ (၁၅-၂-၂၀၁၂)ရက်နေ့နဲ့မှာတော့ ပင်လယ်ဝက တိုးမြစ်ဝမှာ ရှိတဲ့ တိုးစံပြကျေးရွာ နဲ့(၁၆-၂-၂၀၁၂) ရက်နေ့မှာတော့ က၀က်ကျေးရွာတွေကို စာပေဟောပြောဖို့ ရောက်ဖြစ်ခဲ့ပါတယ်။ ဆရာ ချစ်ဦးညို၊ ဆရာမောင်သာချို တို့နဲ့ အတူသွား ဖြစ်ခဲ့တာပါ။ ကျေးရွာလူထုရဲ့ အစီအစဉ်နဲ့ကျင်းပတဲ့ ဟောပြောပွဲတွေဖြစ်ပါတယ်။ တိုးစံပြကျေးရွာမှာဆိုရင် တိုးတက်တဲ့အမြင်ရှိပြီး စာပေ၀ါသနာပါတဲ့ ရွာခံလူငယ်လုပ်ငန်းရှင်တစ်ဦးတည်းက ဦးဆောင်ကာ အကုန်အကျခံ ကျင်းပတာဖြစ်ပါတယ်။ ဒီလူငယ်ပုဂ္ဂိုဟ်က စာပေ၀ါသနာပါတဲ့အပြင် ရပ်ရေးရွာရေး တိုးတက်မှုကိုလည်း တစ်နိုင်တစ်ပိုင် လုပ်ထားတာတွေကိုလည်း တွေ့ကြရပါတယ်။ ချီးကျူးသင့်တဲ့ နိုင်ငံသားကောင်းတစ်ဦး ဖြစ်ပါတယ်။ ဒီရွာမှာ နာဂစ်တုံးက ဆိုးဆိုးဝါးဝါး မဖြစ်ခဲ့ပေမယ့် အနီးအနား ရွာတွေက သေဆုံးသူတွေ အများအပြားကတော့ သူတို့ရွာက ပင်လယ်ကမ်းခြေမှာ လာတင်နေခဲ့တာ အများကြီး ပဲတဲ့။ ဒီရွာမှာ မုန်တိုင်းခို အဆောက်အဦတစ်ခု ဆောက်လုပ်ထားတာကိုလည်း တွေ့ခဲ့ကြ ရပါတယ်။

က၀က်ကတော့ ဂျပန်နိုင်ငံ၊ JICAကအကူအညီ နဲ့ ဆွစ်ဇာလန်နိုင်င့NGO တစ်ုတို့ကဦးဆောင်ပြီး ဆောက်လုပ်ထားတဲ့ အထက်တန်းကျောင်းကြီးတစ်ခုကိုတွေ့ရတယ်။ ကျောင်းဆောင်၊ ကျောင်းခန်းမ တွေ ပြည်စုံတဲ့အပြင် solar cell နဲ့ လျပ်စစ်ဓါတ်ရအောင်လည်း ပြုလုပ်ပေးထားတာကြောင့် ခေတ်မီ လှတဲ့ ကျောင်းကြီးတစ်ဆောင်ပါပဲ။ သင်္ဘောဆိပ်က ရွာထဲအ၀င်လမ်းကပဲ ကွန်ကရစ်လမ်း ဖြစ်တယ်။ ဒီရွာကလည်း တိုးတက်တဲ့ ခေတ်မီရွာတစ်ရွာလို့ပြောရမှာဖြစ်ပါတယ်။

ဒီနှစ်လည်း ငါးဒီတွေ ပေါ်ပြန်ပြီတဲ့။

ဒီခရိးမှာ ထူးခြားတာကတော့ တိုးစံပြကျေးရွာမှာရော၊ က၀က်ကျေးရွာမှာရော၊ ရေလုပ်သား ရွာခံတွေက ကျွန်တော့ကို ပြောကြတာဖြစ်ပါတယ်။ သူတို့ကပြောကြပါတယ်။ ၂၀၀၈ ခုနှစ်တုံးက နာဂစ်မုန်တိုင်းမ၀င်မီ တစ်လနှစ်လလောက်ကတည်းက သူတို့ရဲ့ ငါးဖမ်းရေပြင်မှာ ငါးဒီငါးတွေ မကြုံဖူးအောင်ပေါလာလိုက်တာ ဖမ်းလို့တောင် မနိုင်ပါဘူးတဲ့။ အားလုံး မကြုံစဖူးမို့ တအံ့တကြ ဖြစ်နေကြတုံး နောက်တော့ နာဂစ်မုန်တိုင်း ၀င်လာတော့တာပါပဲတဲ့။ ဒါကို ရွာနှစ်ရွာစလုံးက ရေလုပ်သားတွေက ပြောကြတာဖြစ်ပါတယ်။ နောက်တော့ သူတို့က ဆက်ပြောကြပြန်ပါတယ်။ “ဒီနှစ်လည်း ငါးဒီတွေပေါ်နေပြန်ပြီ” တဲ့။

အသိတွေကြောင့် သတိတွေရှိနေကြတာမို့ ၀မ်းမြောက်မိပါတယ်။

သဘာဝဘေးအန္တရာယ်ကာကွယ်ရေးလုပ်ငန်းတွေမှာ အသိဆိုတာ အခြေခံလိုအပ်ချက်ပါ။ အသိမရှိပဲ သတိမရှိနိုင်ပါဘူး။ သတိမရှိပဲ ပူးပေါင်းပါဝင်မှုမရှိနိုင်ပါဘူး။ လူထုရဲ့ ပူးပေါင်းပါဝင်မှုမရှိခဲ့ရင်လည်း သဘာဝဘေးကာကွယ်ရေးလုပ်ငန်းတွေဟာ ဘယ်တော့မှ အောင်မြင်မှုမရှိနိုင်ပါဘူး။ ဒီတော့.. အဲဒီအခြေခံ လိုအပ်ချက်တွေဖြစ်တဲ့ အသိတွေ၊ သတိတွေကို တိုးကျေးရွာ နဲ့ က၀က်ကျေးရွာက ဒေသခံပြည်သူတွေ ရှိနေကြတာမြင်ရလို့ ၀မ်းမြောက်မိတာ အမှန်ပါ။ ပင်လယ်ကမ်းခြေဆိုတာ မုန်တိုင်းဘေး ဆူနာမီဘေး၊ မုန်တိုင်းဒီရေလှို်င်းဘေး စတဲ့ သဘာဝဘေးတွေ ကျရောက်နိုင်တဲ့ နေရာတွေမို့ ဒီလိုဒေသမျိုးမှာ နေထိုင်ကြတဲ့ ဒေသခံတွေဟာ သဘာဝဘေးတွေနဲ့ ပတ်သက်လာရင် သိသင့်သိထိုက်တဲ့ ဗဟုသုတတွေ ရှိရမယ်၊ ကြိုတင်ကာကွယ်ရေး လုပ်ငန်းတွေနဲ့ ပတ်သက်လာရင် ယဉ်ကျေးမှု(culture)တစ်လို စွဲမြဲနေရမယ်။ မသိစိတ်ကကို လုပ်ဆောင်တတ်တဲ့ အကျင့်မျိုး ရှိနေတဲ့အထိ ဓလေ့တစ်ခုလို ဖြစ်နေရမယ်၊ ဥပမာ ဗုဒ္ဒဘာသဘာဝင် မြန်မာလူမျိုး တစ်ယောက်ဟာ ဘုရား၊ကျောင်းဝင်းထဲဝင်ရင် အလိုအလျောက် မသိစိတ်ကကို ဖိနပ်ချွတ်တာမျိုး၊ သက်ကြီးရွယ်အို လူကြီးသူမတွေရှေ့က ဖြတ်လျှောက်ရင် အလိုအလျှောက် ခေါင်းငုံ့လျှောက်တာမျိုး၊ ဒီလိုကို အကျင့်ပါနေဖို့ လိုတယ်လို့ သဘာဝဘေးကြောင့်ဆုံးရှုံးမှု ကာကွယ်ရေး ပညာရှင်တွေက ပြောကြ ပါတယ်။

တိရိစ္ဆာန်တွေဟာ သဘာဝဘေးကို ကြိုတင်ပြောနိုင်သလား။

မိုးလေ၀သခန့်မှန်းတဲ့နေရာမှာရော၊ သဘာဝဘေးတွေ ကြိုတင်သတိပေးတဲ့နေရာတွေ မှာရော တိရိစ္ဆာန်တွေရဲ့ အခန်းကဏ္ဍဟာ မသေးလှပါဘူး။ သမိုင်းစဉ်တလျှောက် ပြောကြဆိုကြ၊ ငြင်းကြခုံကြ နဲ့ပဲ ဆိုပါတော့။ ဒါပေမယ့် ရာသီဥတုကို ကြိုတင်သိနိုင်တဲ့နေရာ၊ သဘာဝဘေးကို ကြိုတင်အာရုံခံတဲ့ နေရာမှာ အချို့တိရိစ္ဆာန်တွေဟာ လူသားတွေထက် ပိုအစွမ်းထက်တယ်ဆိုတာ သိပ္ပံပညာရှင်တွေက လက်ခံထားကြပါတယ်။ ဥပမာ ဆင်တွေဆိုပါတော့။ မြေငလျင်လှုပ်တော့မယ်ဆိုတာကို ဆင်တွေက လူတွေထက် ပိုပြီး ကြိုသိနိုင်ပါတယ်။ အကြောင်းကတော့ လူတွေနဲ့ ဆင်တွေမှာ အကြားအာရုံခံ နိုင်စွမ်းမှာ ကွာခြားနေလို့ဖြစ်ပါတယ်။ လူတွေဟာ အသံလှိုင်းတွေကို အာရုံခံတဲ့နေရာမှာ တုန်နှုန်း ၃၂ မှ ၂၄၀၀၀ vibration/sec ကိုသာ အာရုံခံနိုင်စွမ်းရှိပါတယ်။ ဒါကြောင့် လူတွေဟာ သစ်ရွက်လေတိုးတဲ့ အသံတို့ ၀ါယာကြိုးတဲ့စီးဆင်းနေတဲ့လျပ်စစ်စီးသံတွေကို မကြားနိုင်ခြင်းဖြစ်ပါတယ်။ ဆင်တွေကြ တော့ တုန်နှုန်းအနိမ့်ဆုံး ၂၀ vibration/sec အထိ အာရုံခံနိုင်စွမ်းရှိကြတယ်။ မြေငလျင်ကြီးတွေ လှုပ်တဲ့အခါ တုန်ခါမှုလှိုင်းတွေကို တုန်ခါမှုနှုန်းနည်းတဲ့ ရှေ့ပြေးလှို်င်း (P wave) တွေက အရင်စထွက် လာပါတယ်။ နောက်မှ တုန်နှုန်း ပိုမြင့်တဲ့ နောက်ဆက်တွဲလှိုင်း (S wave) တွေက ထွက်လာ ပါတယ်။ လူတွေက P wave တွေကို အာရုံခံလို့ မရနိုင်ပါဘူး။ ဆင်တွေကြတော့ အာရုံခံလို့ရကြပါတယ်။ နောက်ပြီး ဆင်ရဲ့ ကြီးမားလှတဲ့ နားရွက်ကြီးနှစ်ဖက်၊ မြေပြင်ပေါ်မှာထောက်ထားတဲ့ ခြေဖ၀ါးကြီး လေးခုကလည်း ဆင်တွေရဲ့ အာရုံခံစံနစ်တွေကို အထောက်အကူပြုနေကြတဲ့antenna ကြီးတွေ ဖြစ်နေကြပြန်ပါတယ်။ နာဂစ်ဖြစ်ပြီး ကွင်းဆင်းလေ့လာတော့လည်း နာဂစ်ထိခိုက်ခံရတဲ့ ရွာတစ်ရွာ ကလည်း သူတို့ရဲ့အတွေ့အကြုံတွေကို ပြောပြကြပါတယ်။ အဲဒီ.. နာဂစ်ဝင်မယ့်နေ့တုံးက နာဂစ်မ၀င်မီနေ့လည်ပိုင်းမှာ ရွာအပြင်မှာလှန်(လွှတ်)ထားတဲ့ နွားတွေ၊ကျွဲတွေဟာ လူတွေက လိုက်မကောက်(ပြန်မဖမ်း)ပါပဲနဲ့ ညနေ အစောကြီး ရွာထဲကို တန်းစီပြီး ပြန်ဝင်လာကြတယ်တဲ့။ သူတို့က ကြိုသိနေသလိုပါပဲတဲ့။

ကမ္ဘာကျော် မုတ်သုံတို့၊ အယ်လ်နီညို-လာနီညာဖြစ်စဉ်တို့ကို စတွေ့ခဲ့ကြတာ ရေလုပ်သားတွေပါ။

နာဂစ်တုံးက ငါးဒီတွေပေါတာရော၊ အခုနှစ်မှာ ငါးဒီတွေပေါ်နေပြန်တာရော မှတ်ချက်ပေးဖို့ ကျွန်တော့မှာ အတွေ့အကြုံ မပြည့်စုံတာ အမှန်ဖြစ်ပါတယ်။ ဒါကြောင့်လည်းဒီနှစ် ငါးဒီတွေ ပေါ်လာတာနဲ့ မုန်တိုင်းအန္တရာယ်ရှိနေပြီဆိုတဲ့ အဆိုကို ထောက်ခံဖို့ခက်သလို၊ ကန့်ကွက်ဖို့လည်း မ၀ံ့ပါဘူး။ အကြောင်းကတော့ ကျွန်တော်တို့မိုးလေ၀သမှာ တိရိစ္ဆာန်တွေက မိုးလေ၀သကို ကြိုတင် ခန့်မှန်းနိုင်ကြတယ်ဆိုတဲ့အဆိုကိုလည်း သိပ္ပံပညာရှင်တွေက လက်ခံထား ကြတဲ့အပြင်၊ မိုးလေ၀သ ပညာမှာ ရေလုပ်သား(တံငါသည်)တွေရဲ့ အခန်းကဏ္ဍကလည်း လေးစားလောက်တဲ့ သမိုင်းတွေက ရှိနေလို့ဖြစ်ပါတယ်။ ဆိုကြပါစို့ဗျာ။ အိန္ဒိယသမုဒ္ဒ္ဒယာထဲမှာ လားရာဖက် လုံးဝဆန့်ကျင်ဖက်နီးပါး ဖြစ်နေကြတဲ့ လေနှစ်မျိုးကို နွေမှာတစ်မျိုး၊ ဆောင်းမှာတစ်မျိုး တိုက်နေတတ်တာကို စတွေ့ခဲ့တြတာ အာရေဗျပင်လယ်ထဲက တံငါသည်တွေ ဖြစ်ပါတယ်။ အဲဒီလို ရာသီအလိုက် တိုက်တတ်တဲ့လေတွေကို ကနေ့တော့ နွေမုတ်သုံ၊ဆောင်းမုတ်သုံဆိုပြီး နာမည်ကျော် ဖြစ်နေပါပကောဗျာ။ နောက်ပြီး အိန္ဒိယသမုဒ္ဒယာထဲမှာ ဖြစ်ပေါ်နေတဲ့ မုန်တိုင်းတွေရဲ့ တိမ်အစုအဝေး တိမ်စွယ်တန်းတွေဟာ ခွေနေတဲ့မြွေတစ်ကောင်နဲ့တူနေလို့ ဆိုင်ကလုန်းဆိုတဲ့အမည်ပေးခဲ့တာလည်း တံငါသည်တွေပါပဲဗျာ။ နောက်ပြီးရှိပါသေးတယ်။ ပူပြင်းခြောက်သွေ့တဲ့ ရာသီဥတုကို ဖြစ်ပေါ်စေတတ်တဲ့ အယ်လ်နီညို ဖြစ်စဉ်၊ အေးပြီးစွတ်စိုတဲ့ရာသီဥတုကိုဖြစ်စေတတ်တဲ့ လာနီညာဖြစ်စဉ်၊ ဒါတွေကို လွန်ခဲ့တဲ့ နှစ်ပေါင်း (၅၀၀)ကျော်လောက်ကတည်းက ပထမဆုံး စတွေ့လာကြတဲ့သူတွေက တောင်အမေရိကတိုက်၊ အီကွေဒို နဲ့ ပီရူးနိုင်ငံတွေက တံငါသည်တွေပါပဲဗျား။ ဒီတော့ တံငါသည်တွေဟာ မိုးလေ၀သမှာတော့ အစဉ်အလာရော၊ ပညာရော ရာဇ၀င်ရှိတဲ့သူတွေပါ။

အကြံကောင်းတစ်ခု။

ဒါကြောင့်.. တိုးနဲ့က၀က်ကျေးရွာများက ရေလုပ်သားကြီးတွေရဲ့ပြောစကားကို အလေးအနက်ထားမိ ပါတယ်။ ဒီတော့ ကျွန်တော်တို့ ဘာလုပ်ကြမလည်း ? ၊ သေချာပေါက်လုပ်သင့်တဲ့ အကြံကောင်း တစ်ခုတော့ စဉ်းစားမိပါတယ်။ အဲဒါတွေကတော့ (၁) အထူးသဖြင့် ဧပြီလ(၁၅)ရက်မှ မေလ(၁၅)ရက် အတွင်း ဘင်္ဂလားပင်လယ်အော်မှာဖြစ်တဲ့ မုန်တိုင်းတွေကို အထူးဂရုစိုက်ပါ။ (၂)ဒီနှစ် သက်ဆိုင်ရာက ထုတ်ပြန်တဲ့ မုန်တိုင်းသတင်းကို သေသေချာချာ ဂရုစိုက် နားထောင်ပါ။(၃) မြန်မာနိုင်ငံကို အန္တရာယ် မရှိတဲ့ မုန်တိုင်းတွေဆို “မုန်တိုင်းသတင်း”၊ အန္တရာယ်ရှိတဲ့ မုန်တိုင်းဆို “မုန်တိုင်းသတိပေးချက်” ဆိုပြီး ကြေငြာတတ်တာကို သိထားပါ။ (၄) မုန်တိုင်းသတင်းတွေ ကြေငြာတဲ့အခါ အရောင်(၅)မျိုး ခွဲပြီး ကြေငြာတာကို သိထားပါ။ (အ၀ါရောင်-အန္တရာယ်မရှိသေး၊ လိမ္မော်ရောင်-မြန်မာနိုင်ငံဖက်ကို ဦးတည်လာနေ၊ အနီ- မြန်မာ့ကမ်းရိုးကို ၁၂ နာရီအတွင်းဖြတ်တော့မယ်၊ အညို-ဖြတ်ကျော်နေပြီ၊ အစိမ်း-အန္တရာယ်ကင်းပြီ)။

အဲ…မြန်မာ့ကမ်းရိုးကိုလည်း ဖြတ်တော့မယ်၊ ဖြတ်မယ့်နေရာကလည်း မိမိနေထိုင်ရာဒေသဖြစ်မယ် ဆိုလို့ကတော့ ကြိုတင်ကာကွယ်မှုကို မဖြစ်မနေ လုပ်ဖို့ မမေ့ပါနဲ့…လို့သာ။