‘’ဥရောပ နွေဦးနှင့် ဒိန်းမတ်သို့ ခရီးသွားကြမယ်”

‘’ဥရောပ နွေဦးနှင့် ဒိန်းမတ်သို့ ခရီးသွားကြမယ်”

http://www.mcntv.biz/opinion/79128/
စာရေးသူမှာ ခရီးသွားတာ ၀ါသနာပါတာကြောင့် ခရီးသွားဆောင်ပါးလေးရေးရင် သိပ်ပြီးတော့ ကောင်းမယ်လို့ စိတ်ကူးနေမိတာကတော့ အမှန်ပါပဲ။ သို့သော် အကြောင်းကြောင်းကြောင့် စာတွေမရေးဖြစ်ခဲ့ပါဘူး။ အခုတော့ အကြောင်းတိုက်ဆိုင်လို စာရေးဖို့ ဖြစ်လာခဲ့ပါပြီ။ အခုတော့ဒီစာနဲ့အတူ မြန်မာပြည်ကလူငယ်တွေကို ဒိန်းမတ်နိုင်ငံ ခရီးကို ခေါ်သွားပါမယ်။

အခုရာသီဟာ ဆောင်းကုန်ခါနီး နွေးဦးရောက်တော့မှာမို့ အရွက်အဖူးလေးတွေ ထွက်စပြုပါပြီ။ ဥရောပ နွေးဦးကတော့ စိမ်းလန်းစိုပြေတဲ့
သစ်ပင် ပန်းပင်တွေနဲ့ ပြည့်နှက်နေတာပါပဲ။ မိမိမွေးရာ မြန်မာပြည်နဲ့ပြောင်းပြန် ဒိန်းမတ်နိုင်ငံမှာတော့ ဆောင်းမှာအရွက်တွေကြွေပြီး နွေပြန်ဝင်မှပဲ အရွက်တွေ ပြန်ဝေနိုင်ပါသည်။
ဆောင်းဒဏ်ကြောင့် အပင်လေးတွေမှာ နွေးဦးကို ကြိုဖို့ အဖူးလေးတွေ ထွက်စပြုနေတာက မိမိအတွက်တော့ ကဗျာ တစ်ပုဒ်လိုပါပဲ။ ဥရောပနိုင်ငံအများစုကတော့ ဆောင်းရာသီရောက်ပြီဆိုရင် ထင်းရှုးမျိုးနွယ်တွေကလွဲပြီး အပင်တွေ အရွက်ကြွေကြပြီ။
‘’’ဥရောပနိုင်ငံတွေ၏ ဥတုရာသီကတော့ ၄မျုိးပါ “””
နွေးဦး (Spring)မတ်၊ ဧပြီ၊၊ မေ
နွေးရာသီ (Summer)ဂျွန်၊ ဂျူလိုင်၊ သြဂုတ်
ဆောင်းဦး (Autumn)စက်တင်ဘာ၊ အောက်တိုဘာ၊ နိုဝင်ဘာ
ဆောင်းရာသီ (Winter)ဒီဇင်ဘာ၊ ဇန်န၀ါရီ၊ ဖေဖော်ဝါရီ တုို့ဖြစ်ပါသည်။
မိမိတို့အားလုံးအတွက် သဘာဝတရားကြီးကတော့ ဒီအတိုင်းပဲရှိနေမှာပါ။ အဲဒီသဘာဝတရားကြီးအပေါ် တဒင်္ဂ မှီိတင်းနေထိုင်ကြတဲ့ လူသားအချင်းချင်း သတ်ဖြတ်မှုတွေ၊ မုန်းတီးမှုတွေ၊ ခွဲခြားဖိနိပ်မှုတွေ လျော့ပါးပပျောက်အောင် ကတော့ အဲဒီလူသားအားလုံးမှာပဲ တာဝန်ရှိကြောင်းပါ။ ဒိန်းမတ်နိုင်ငံဆိုတာ ဒီမိုကရေစီနဲ့ နိုင်ငံသားတွေရဲ့ နေထိုင်မှုပုံစံတွေ အတော်ပြည့်စုံတဲ့ နိုင်ငံဖြစ်လုို့နေပါတယ်။
ဥရောပ ပြက္ခဒိန်တွေမှာ အမြဲတမ်းတွေရတဲ့ အိမ်ရောင်စုံနဲ့နန်းတော် ရေသူမ မျှော်စင်တွေကတော့ ဒိန်းမတ်မှာ မိမိကို အဖမ်းစားဆုံးနေရာတွေ ဖြစ်ပါသည်။
‘’’’’’ဒိန်းမတ်နိုင်ငံ၏ကမ္ဘာကျော်ရေသူမရုပ်တု’’’’
ဒိန်းမတ်နိုင်ငံ မြို့တော်ကိုပင်ဟေဂင်ဆိပ်ကမ်းမှကျောက်ဆောင်တစ်ခုပေါ်တွင်ရေသူမရုပ်ထုတစ်ခုကလှပစွာထိုင်လျက်ရှိနေသည်။ ထိုနေရာသို့ ပထမဆုံးအကြိမ်ရောက်ရှိလာကြသူတိုင်းထိုရေသူမရုပ်ထုကိုကြည့်ကာအံအားသင့်ကြရသည်။ ရေသူမရုပ်ထုသည်၁ဒသမ၂၅မီတာခန့်မြင်လျှက်၁၇၅ကီလိုဂရမ် အလေးချိန်ရှိသည်။ယင်းရေသူမရုပ်ထုငယ်အားအက်ဒ်ဗတ်အာရစ်ဆန်ဆိုသူကဒီဇိုင်းရေးဆွဲထုလုပ်ခဲ့ပြီး၁၉၁၃ခုနှစ်တွင်ရေသူမလေးပြဇာတ်တစ်ပုဒ်ကိုအမှတ်ရစိမ့်သောငှာယခုနေရာတွင်စိုက်ထူထားခဲ့သည်။ ရေသူမရုပ်ထုလေး၏ဦးခေါင်းသည်အကြိမ်များစွာပျောက်ဆုံးခဲ့သော်လည်းပျောက်ဆုံးခဲ့သည့်အကြိမ်တိုင်းတွင်သူမ၏ဦးခေါင်းကိုပြန်လည်ရရှိတပ်ဆင်ပေးနိုင်ခဲ့သည်။ကိုပင်ဟေဂင်အာဏာပိုင်များကထိုရေသူမရုပ်ထုအားလက်သရမ်းသူများ၏ဖျက်ဆီးမှုမှကာကွယ်ရန်နှင့်ကမ္ဘာလှည့်ခရီးသည်များရုပ်ထုအပေါ်သို့တက်ရောက်ကြခြင်းကိုကာကွယ်ရန်ဆိပ်ကမ်းနယ်မြေမှအခြားတစ်နေရာသို့ရွှေ့ပြောင်းမည်ဟုကြေညာခဲ့ပါသေးတယ်။
‘’’’’’’’ဒိန်းမတ် ()နိုင်ငံမှာ လည်ပတ်သင့်တဲ့ နေရာတွေ”””””
ပထမဆုံးလှည့်လည်ကြည့်သင့်တာကတော့ ပန်းပုရုပ်ထုတွေဖြစ်တဲ့ Little Mermaid၊ ဒဏ္ဍာရီ Norse နတ်ဘုရားမ Gefjun ကို ကိုယ်စားပြုထုလုပ်ထားသည့် Gefion Fountain ရုပ်ထု တုို့ကြည့်ပြီး အဆောက်အအုံတွေနဲ့ ဗိသုကာအလှတွေအတွက်ဆုို ဒိန်းမတ် တော်ဝင်မိသားစု ယနေ့တိုင် ဆက်လက်နေထိုင်ဆဲဖြစ်သည့် Amalienborg Palace ပါလီမန်၊ တရားရုံးချူပ် နှင့် ပြည်နယ်ဝန်ကြီးဌာနများရုံးများရှိပြီး တော်ဝင်အခမ်းအနားပွဲစသည့် နိုင်ငံရေးဆိုင်ရာ အခမ်းအနားများ ကျင်းပရာနေရာဖြစ်တဲ့ Christiansborgတုို့ကုိုကြည့်သင့်ပါတယ်။ ဒါ့အပြင် ကိုပင်ဟေဂန်မြို့အတွင်း Canal Cruise စီးပြီး မြို့အလှကုိုခံစားနုိုင်သလုို ဒိန်းမတ်နိုင်ငံ၏ နာမည်ကျော် Vesterhavegaarden ၀ိုင်ခြံသို့သွားရောက်ပြီး ၀ိုင်အရသာများကို မြည်းစမ်းကြည့်ခြင်း တုို့ကုိုပြလုပ်သင့်တယ်လုို့ အကြံပြုချင်ပါတယ်။
‘’’’’ဒိန်းမတ်နိုင်ငံ၏ အခြေခံ ဥပဒေ””””
ဒိန်းမတ်နုိုင်ငံရဲ့ နေ့ထူးနေ့မြတ်တနေ့ဟာ ဖွဲ့စည်းပုံအခြေခံဥပဒေနေ့လုို့ခေါ်ပြီး ဇွန်လ (၅)ရက်နေ့ဖြစ်ပါတယ်။
အဲဒီ့နေ့ဟာ ဒိန်းမတ်နိုင်ငံရဲ့ သမိုင်းဝင်ဖွဲ့စည်းပုံအခြေခံဥပဒေကုိုပြဌာန်းနုိုင်တဲ့နေ့ဖြစ်သလုို အမျိုးသားနေ့ ဖြစ်သလုို အဖေများနေ့လုို့လည်းသတ်မှတ်ထားတာကြောင့် အများပြည်သူနဲ့ဆုိုင်တဲ့ အားလတ်ရက်တနေ့အဖြစ်လည်း အစုိုးရကသတ်မှတ်ပေးထားပါတယ်။ ပြည်သူတွေကိုယ်တိုင်က သူတို့ကို ကာကွယ်စောင့်ရှောက်မှုပေးထားတဲ့ ဥပဒေ ဖြစ်တာကြောင့် အလေးအနက်ထားပြီး မြတ်နိုးမှုရှိတဲ့နေ့ ဖြစ်လုို့လည်းနေပါတယ်။ ဒီလုိုနေ့ထူးနေ့မျိုးဆုိုရင် ဒိန်းမတ် နုိုင်ငံရဲ့ အိမ်တွေနဲ့ အများပြည်သူနဲ့ဆုိုင်တဲ့နေရာတွေမှာ သူတုို့ရဲ့ နုိုင်ငံတော်အလံကုို ဂုဏ်ယူစွာလွှင့်ထူထားတာကုို တွေ့ရမှာပါ။
ဒိန်းမတ်နိုင်ငံရဲ့ ပထမဆုံး ဒီမိုကရေစီ အခြေခံတဲ့ဖွဲ့စည်းပုံဥပဒေကို ဘုရင်အသိုင်းအ၀ိုင်း၊ဘုရားကျောင်းတော်များ၊စစ် ဗိုလ်ချုပ်၊စစ်သားများ၊လယ်သမားများ၊အလုပ်သမားပြည်သူများ၊နိုင်ငံရေးသမားများ ၀ိုင်းဝန်းပြီးညီညွတ်စွာ သမိုင်းရေးခဲ့ကြတဲ့ နေ့ဆိုရင်လည်းမမှားပါဘူး။
နိုင်ငံတစ်နိုင်ငံ ဖြစ်တည်လာပြီဆိုရင် ဒီနိုင်ငံမှာ မှီတင်းနေထိုင်ကြတဲ့ အထက်ဖော်ပြပါလူတန်းစားအားလုံးအတွက် အရေးအကြီးဆုံးဖြစ်တဲ့ ဒီမိုကရေစီဖွဲ့စည်းပုံအခြေခံဥပဒေကို သူတို့တွေမရောင်ရာမှာဆီလူးမနေကြဘဲ အဓိက အကျဆုံးကို ညှိညှိနှိုင်းနှိုင်းနဲ့ကြိုးစားခဲ့ကြတာ အခုဆို (၁၆၇)နှစ်တိုင်ခဲ့ပါပြီ။ သွေးမစွန်းဘဲ သက်ဦးဆံပိုင်ပဒေသရာဇ် ဘုရင်ကြီးကနေ သူ့အာဏာတွေစွန့်လို့ ပြည်သူ့အတွက် အခြေခံဥပဒေကို လိုလိုချင်ချင် လက်မှတ်ရေးထိုးပေးခဲ့တဲ့ နေ့ဖြစ်ပါတယ်။
ဒါကြောင့် ဒီနေ့ ဒိန်းမတ်ဆိုတာ ဖြစ်ခဲ့ပါပြီ။ လူအခွင့်အရေးအပြည့်ရှိတဲ့နိုင်ငံအဖြစ် ကမ္ဘာက အသိမှတ်ပြုနေကြပါပြီ။ အမျိုးသား၊အမျိုးသမီးတန်းတူအခွင့်အရေးတွေရှိခဲ့ပါပြီ။ လယ်လုပ်သူ၊ လယ်ပိုင်လို့ လယ်သမား၊ အလုပ်သမားတွေ ကမ္ဘာပတ်နေပါပြီ။ ဒီမိုကရေစီ၏ အရသာကို အပြည့်အ၀ ခံစားနေရတဲ့ ဒိန်းမတ် ပြည်သူတွေဟာ ကုန်ကုန်ပြောရရင် မွေးဖွားသည်မှ ကွယ်လွန်သည်ထိ အစိုးရရဲ့ စောင့်ရှောက်မှုကို ခံယူနေနုိုင်ကြပါပြီ။
မိမိတို့ နိုင်ငံတော်မှာလည်း အားလုံးအတွက် အရေးအကြီးဆုံး အချိန်ကိုရောက်နေပါပြီ။ နိုင်ငံတိုးတက်စေချင်တာ၊ ပြည်သူ လူထုစိတ်လက်ချမ်းသာစွာ ဒီမိုကရေစီ အသီးအပွင့်တွေကို ခံစားကြစေချင်တဲ့ ဦးတည်ချက်တူနေသူ အချင်းချင်းတွေ ရန်ဘတ် အသွင်မဆောင်ကြဘဲ မိတ်ဘတ် အသွင်နဲ့လှမ်းနိုင်မှ ပန်းတိုင်နီးမှာဖြစ်ပါတယ်။
ဒီန်းမတ်နိုင်ငံမှာလဲ သူတို့ချစ်တဲ့ အခြေခံဥပဒေကိုဘဲ ကောင်းသည်ထက်ကောင်းအောင် ၁၈၆၆၊ ၁၉၁၅၊ ၁၉၅၃ စတဲ့ နှစ်တွေမှာ အဆင့်ဆင့်ပြင်ဆင်ရေးဆွဲခဲ့ကြတာပဲ ဖြစ်ပါတယ်။ ဒါကြောင့် ပထမဆုံး လက်မှတ်ထိုးပေးခဲ့တဲ့ ဘုရင်ကြီး သမိုင်းကြောင်းကောင်းခဲ့ပါတယ်။ အဲဒီဘုရင်ကြီးရဲ့ မျိုးဆက်အဖြစ် လက်ရှိ ဒိန်းမတ်ဘုရင်မ မဂရက်ဟာလဲ(အမျိုးသမီးဖြစ်နေတာကြောင့်)အဲဒီအခြေခံဥပဒေကို ၁၉၅၃မှာ ပြင်ဆင်ရေးဆွဲပြီးတော့မှ ဘုရင်မအဖြစ် ဆက်ခံခွင့်ရခဲ့ပြီး ဂုဏ်သရေရှိစွာ ပြည်သူနဲ့ အတူရှိလုို့နေပါတယ်။ လောကနိယာမဖြစ်တဲ့ မပြောင်လဲတာဆိုလို့ ”ပြောင်းလဲခြင်းတရား”ပဲရှိတာမို့မိမိကြောင့်မိမိရဲ့မိသားစု၊သားစဉ်မြေးဆက် သမိုင်းကြောင်းကောင်းရအောင် ကြိုစားကြဖို့လိုပါကြောင်း ဆိုတဲ့ အတွေးလေးတစ်စကို တင်ပြလိုက်ရပါသည်။
”ဒိန်းမတ်သို့ ပြည်ပက အခြေချ နေထိုင်သူများ”
ဒိန်းမတ်နိုင်ငံမှာအမြဲတမ်းနေထိုင်ခွင့်ရထားတဲ့(အမေရိကန်လိုပြောရင်ဂရင်းကဒ်)များ ဒိန်းမတ်နိုင်ငံသား လျှောက်ထားသူများ နိုင်ငံသားဖြစ်ဖို့ စာမေးပွဲ ဖြေရပါတယ်။ နိုင်ငံသားဖြစ်ချင်သူများအတွက် အစိုးရက တစ်နှစ်ကို တစ်ခါ စာမေးပွဲစစ်ဆေးပေးပါတယ်။ အမြဲတမ်းနေထိုင်ခွင့်မရသေးသူများ အဲဒီစာမေးပွဲကို ဖြေလို့မရပါဘူး။ စာမေးပွဲက INDFØDSRETSPRØVEလို့ခေါ်တဲ့နိုင်ငံရဲ့သမိုင်းကြောင်းကတွေကုိုမေးတာပါ။ ဥပမာအားဖြင့် ဘုရင်မကြီးနာမည် ဘယ်လိုခေါ်သလဲ၊ ဒီမိုကရေစီကုို ဘယ်နှစ်ကစသလဲ စတဲ့ သမိုင်းကြောင်းဆိုင်ရာ တွေနဲ့ အရေးကြီးဖြစ်ပျက်ခဲ့တဲ့ အဖြစ်အပျက်တွေကို မေးခွန်းထုတ်ထားတာလည်းဖြစ်ပါတယ်။ မေးခွန်းပေါင်း ၄၀-၅၀ မေးထားပြီး မေးခွန်းကြီး တစ်ခုရဲ့အောက်မှာ မေးခွန်းငယ် သုံးခု သို့မဟုတ် လေးခုနဲ့ဖွဲ့စည်းပြီးမေးတတ်ပါတယ်။ မေးခွန်းငယ် တစ်ခုမှားတာနဲ့ မေးခွန်းကြီးတစ်ခုလုံး မှားတယ်လို့ မှတ်ယူပြီး မေးခွန်းကြီး ၄၀-၅၀ ထဲက ၃၅ ခု မှန်ရင် စာမေးပွဲအောင်ပါတယ်။ ဖြေဆိုချိန် ၄၅မိနစ်ပါ။
စာမေးပွဲဖြေးကြတဲ့ သူတွေအနေနဲ့က ဒေသအုပ်ချုပ်ရေးရုံး (ကော်မှူး)တွေရဲ့ လက်အောက်ခံ ဒိန်းမတ်ဘာသာစကား သင်တန်းဌာနတွေမှာ ဒိန်းမတ် ငွေ ၇၀၄ ခရိုနာ သွင်းပြီး ဖြေဆုိုနုိုင်ပါတယ်။
‘’’’’’’ဒိန်းမတ်နိုင်ငံ ပညာရေး””””””

ဒိန်းမတ်နိုင်ငံကပညာရေးကိုအထူးအားပေးတဲ့နိုင်ငံတစ်နိုင်ငံပါ။ ၁၈၁၄ ခုနှစ်ကစလို့မူလတန်းပညာမသင်မနေရ စနစ်ကိုစတင်ကျင့်သုံးခဲ့ပါတယ်။ နုိုင်ငံသား ၉၉ ရာခုိုင်နှုန်းလောက်က စာတတ်ကြပါတယ်။ အခမဲ့ ပညာရေးစနစ်ကို ကျင့်သုံးတာကြောင့် ဒိန်းမတ်နိုင်ငံမှာ ကျောင်းတက်တဲ့ နိုင်ငံသားတွေဟာ ကျောင်းတက်ရာမှာ ပိုက်ဆံမကုန်တဲ့အပြင် ပိုက်ဆံတောင်ထပ်ရပါသေးတယ်။
အလယ်တန်း၊အထက်တန်းနဲ့တက္ကသိုလ် ကျောင်းသားအားလုံးကို ပညာသင်စရိတ်ရသလုို မူလတန်းကနေ တက္ကသိုလ် ပြီးလုို့ ဘွဲ့အဆင့်ဆင့်ယူကာ ပါရဂူဘွဲ့ယူတဲ့အထိ ဘာကျောင်းလခမှ ပေးစရာမလိုပါဘူး။ မလို့တဲ့အပြင် ထောက်ပံ့ကြေးငွေတောင် ပေးပါသည်။ အလယ်တန်း ကျောင်းသူကျောင်းသားများ အတွက် မိဘရဲ့ စီးပွားရေး အခြေအနေကို ကြည့်ပြီး အစိုးရက ကျောင်းလခကို အကန့်အသတ် မရှိ ထောက်ပံ့ပေးပါသည်။
အသက် ၁၈-၂၀ ၀န်းကျင် ကောလိပ်တန်း၊တက္ကသိုလ်တန်းဝင်ဖို့ ဖြေဆိုနေတဲ့ ကျောင်းသား၊ကျောင်းသူများကိုတော့ တစ်လကို အမေရိကန်ဒေါ် ၉၆၀ ထောက်ပံ့ပေးသလုို ကောလိပ်၊တက္ကသိုလ် အကဲဒမစ်၊ဒီဂရီ ကျောင်းသူ၊ကျောင်းသား များအတွက်ပါ ထောက်ပံ့ကြေးပေးပါတယ်။ ဒီအတွက် ခြောက်နှစ်သတ်မှတ်ထားပေးပါသည်။ ခြောက်နှစ်စာ ထောက်ပံ့ပေးပြီး အကြောင်းအမျိုးမျိုးကြောင့် ဒီဂရီ မေဂျာ နောက် တစ်ခုကို စိတ်ကူးပေါက်လို့ တစ်နှစ်အရှုံးခံပြီး ပြောင်းရင်တောင် ထောက်ပံ့ကြေးက ပေးမြဲပေးဆဲပါ။
မသန်းမစွမ်း ကျောင်းသူ၊ကျောင်းသားများအတွက် ကောလိပ်အဆင့်မှာမပါတော့တဲ့ အတွက် ထောက်ပံ့ကြေးငွေ မရတော့ပါဘူးလုို့ ဆုိုပေမယ့် သာမန်လူတွေကိုပေးတဲ့ အထောက်အပံ့ထက်သာတဲ့ ပံပပုိုးမှုတွေ ရပါတယ်။ တက္ကသိုလ်ရဲ့ သုတေသနဌာနမှာ အလုပ်ရပြီး သူတို့ရဲ့ တစ်နှစ်ဝင်ငွေဟာ အမေရိကန်ဒေါ်လာ ၁၈၀၀၀ ၀န်းကျင်မှာ ရှိပါတယ်။ Ph.D လုို့ခေါ်တဲ့ ပါရဂူဘွဲ တက်နေတဲ့ကျောင်းသားများအတွက်လည်းအခက်အခဲများကို သေချာထောက်ပြတင်ပြနိုင်ရင် ထောက်ပံ့ကြေးငွေလည်း ဆက်ရအုံးမှာ ဖြစ်ပါသည်။
ဒိန်းမတ်နိုင်ငံ အစိုးရက အလကားပေးလိုက်တာလို့ မသတ်မှတ်ပါဘူး။ တစ်နေ့ လုပ်ငန်းခွင်ဝင်တဲ့ အခါ ပြန်ဆပ်ရမယ့် ဆိုတဲ့ ချေးငွေ သဘောနဲ့ပေးတာ ဖြစ်ပါသည်။ သို့ပေမယ့် ကျောင်းပြီးလုို့ ၁၅နှစ် ကြာတောင် ယင်းချေငွေ ပြန်မပေးလည်း ဘာမှ ဥပဒေနဲ့မှ ညှိစွန်းမှု မရှိဘူးလို့ ဆိုပါသည်။
ထို့ကြောင့် ဒိန်းမတ်နိုင်ငံ ပညာရေးစနစ် တစ်ခုလုံး အခမဲ့ဖြစ်တဲ့အပြင် ပိုက်ဆံဆောင် ရလုို့နေကြောင်ပါ။ နိုင်ငံကသေး၊ လူဦးရေးကလည်းနည်း၊ ၀င်ငွေများတဲ့တိုင်းပြည်လည်းဖြစ်တော့ ပညာရေးစနစ်ကို အကောင်းဆုံးဖန်းတီးနုိုင်တာပေါ့။ ကျူရှင်လည်း မရှိဘူး။ ယနေ့အထိ ပညာရေးစနစ်တစ်ခုလုံး အခမဲ့ဖြစ်ပြီး ကျောင်းသားတွေကိုတောင် ပိုက်ဆံပေးတဲ့ အတွက် ကမ္ဘာမှာ ထူးခြားအံ့သြဖွယ် ပညာရေးကုိုဦးစားပေးတဲ့နိုင်ငံအဖြစ် အသတ်မှတ် ခံထားရပါကြောင်း မိမိတို့ နိုင်ငံလည်း နောင်မှာ အခုလို ပညာရေးမျိုးကို အနာဂတ် လူငယ်တွေ ခံစားနိုင်ပါစေကြောင်း ဆုတောင်းပေးလိုက်ပါသည်။
ရွှေဝါရောင် အရှင်ထာဝရ (နော်ဝေ)